ଆସୁଛି ବଡ଼ ବର୍ଷା । ବାତ୍ୟା ପ୍ରଭାବରେ ଦକ୍ଷିଣ ଏବଂ ଉପକୂଳ ଓଡ଼ିଶାରେ ପ୍ରବଳ ବର୍ଷାର ଚେତାବନୀ ଜାରି କଲା ପାଣିପାଗ ବିଭାଗ । କାଲି ଭୀଷଣ ବର୍ଷା ପାଇଁ ୬ଜିଲ୍ଲାକୁ ରେଡ ୱାର୍ଣ୍ଣିଂ ଜାରି ହୋଇଛି । ୧୧ଜିଲ୍ଲାକୁ ଜାରି ହୋଇଛି ଅରେଞ୍ଜ ୱାର୍ଣ୍ଣିଂ । ବାତ୍ୟା ପରବର୍ତ୍ତୀ ସ୍ଥିତିର ମୁକାବିଲା ପାଇଁ ତୟାର ଏନଏଡିଆରଏଫ ଓ ଅଗ୍ନିଶମ ବାହିନୀ । ଦକ୍ଷିଣ ଓଡ଼ିଶା ଓ ବିଶାଖାପାଟଣା ପାଇଁ ୧୧ ଏନଡିଆରଏଫ ଟିମ ନିୟୋଜିତ ହୋଇଛନ୍ତି । ଆବଶ୍ୟକ ସରଞ୍ଜାମ ସହ ପ୍ରସ୍ତୁତ ହୋଇ ରହିଛନ୍ତି ୩୭୦ ଫାୟାର ଟିମ ।
ଏପଟେ ପାଣିପାଗ ବିଭାଗର ସତର୍କ ସୂଚନା ପରେ ଜିଲ୍ଲା ପ୍ରଶାସନଗୁଡ଼ିକୁ ମଧ୍ୟ ସଜାଗ ରହିବାକୁ କୁହାଯାଇଛି। ତଳିଆ ଅଞ୍ଚଳର ଲୋକଙ୍କ ଉପରେ ବିଶେଷ ନଜର ରଖିବା ସହ ଆବଶ୍ୟକ ସ୍ଥଳେ ସେମାନଙ୍କୁ ସୁରକ୍ଷିତ ସ୍ଥାନକୁ ନେବା ପାଇଁ ପ୍ରସ୍ତୁତି ରହିଛି।ତେବେ ଏହି ବର୍ଷାକୁ ନେଇ ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି। ପାଣି ଜମିଥିବା ରାସ୍ତା ଓ ବିପଦପୂର୍ଣ୍ଣ ସ୍ଥାନକୁ ଯିବାରୁ ନିବୃତ୍ତ ରହିବା ସହ ପାଣିପାଗ ବିଭାଗ ଓ ପ୍ରଶାସନର ନିର୍ଦ୍ଦେଶ ପାଳନ କରିବା ଜରୁରୀ। ଏବେ ସମସ୍ତଙ୍କ ନଜର ରହିଛି ବାତ୍ୟାର ପ୍ରଭାବ ଓ ଆଗାମୀ ବର୍ଷାର ସ୍ଥିତି ଉପରେ।



