ଭୁବନେଶ୍ବର: ସୋସିଆଲ ମିଡିଆ ‘ଏକ୍ସ’ରେ ନାହିଁ କାର୍ତ୍ତିକ ପାଣ୍ଡିଆନଙ୍କ ଆକାଉଣ୍ଟ। ଏ ନେଇ ନିଜେ କାର୍ତ୍ତିକ ପାଣ୍ଡିଆନ ତାଙ୍କ ଇନଷ୍ଟାଗ୍ରାମରେ ସୂଚନା ଦେଇଛନ୍ତି। ‘ଏକ୍ସ’ରେ ଆକାଉଣ୍ଟ ନ ଥିବା ନେଇ ସେ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି। ଯାହାକୁ ନେଇ ଏବେ ରାଜନୀତିକ ମହାଲରେ ଆରମ୍ଭ ହୋଇଛି ଚର୍ଚ୍ଚା।
କୁହାଯାଉଛି କି, ରାଜନୀତିକୁ ପୁଣି ଫେରିବେ କି ପାଣ୍ଡିଆନ ? ରାଜନୀତିରୁ ସନ୍ୟାସ ନେଇଥିବା ଭୈରବ କାର୍ତ୍ତିକେୟନ ପାଣ୍ଡିଆନ ପୁଣି ଫେରିବାକୁ ଖୋଜୁଛନ୍ତି କି ଗଳାବାଟ ? ଏନେଇ ଏବେ ଆରମ୍ଭ ହୋଇଛି ରାଜନୈତିକ ଚର୍ଚ୍ଚା । କାରଣ ଅନ୍ଦର ମହଲରେ ଏବେ ବି ସକ୍ରିୟ ଅଛନ୍ତି ପାଣ୍ଡିଆନ । କ୍ୟାମେରା ଆଢ଼ୁଆଳରେ ରହୁଥିଲେ ବି ନବୀନଙ୍କ ପାଖେ ପାଖେ ରହୁଛନ୍ତି । ଆଉ ଦଳର ସବୁ ନିଷ୍ପତ୍ତିରେ ବି ରହୁଛି ତାଙ୍କର ଭାଗିଦାରି । ଏକଥା କେହି କହୁନଥିଲେ ବି, ନେତାଙ୍କ ଆଚରଣ ଓ ସୋସିଆଲ ମିଡିଆ ସବୁ କିଛି କହିଦେଉଛି । ଆଉ ଏହାର ସବୁଠାରୁ ବଡ଼ ଉଦାହରଣ ହେଲା ସୋସିଆଲ ମିଡିଆରେ ଏବେ ପାଣ୍ଡିଆନ ଫ୍ୟାନ୍ସ ଖୁବ୍ ଆକ୍ଟିଭ ରହିଛନ୍ତି । କୁହାଯାଉଛି କି, ମଝିରେ ମଝିରେ ଏଭଳି ପୋଷ୍ଟ କରି ଗଣମାଧ୍ୟମରେ ଚର୍ଚ୍ଚାରେ ରହିବ ପାଇଁ ଚେଷ୍ଟା କରୁଛନ୍ତି କି ପାଣ୍ଡିଆନ? କାରଣ ଯଦି ପାଣ୍ଡିଆନ ସେହି x ଆକାଉଣ୍ଟ ଚଳାଉନାହାନ୍ତି ତାହେଲେ ଚଳାଉଛି କିଏ? ସେହି ଆକାଉଣ୍ଟରେ ନିୟମିତ ଭାବେ ବିଜେପିକୁ ଟାର୍ଗେଟ କରିବ ଭଳି ପୋଷ୍ଟ ହେଉଛି ଏବଂ ପାଣ୍ଡିଆନଙ୍କ ଶାହା ବିଜେଡିର ଗୁଣଗାନା ମଧ୍ୟ କରାଯାଉଛି।
