ଗୁରୁବାର ସକାଳୁ ସକାଳୁ ନେପାଳରେ ଲାଗିଛି ଭୂମିକମ୍ପର ଝଟକା। ଥରିଲା ନେପାଳ। ରିକ୍ଟର ସ୍କେଲରେ ଏହାର ତୀବ୍ରତା ୪.୯ ରେକର୍ଡ୍ ହୋଇଛି। ନେପାଳର ପିଛା ଛାଡ଼ୁନି ପ୍ରାକୃତିକ ବିପର୍ଯ୍ୟୟ। ରିପୋର୍ଟ ଅନୁସାରେ, ଗୁରୁବାର ଭୋର୍ ୪ଟା ୩୦ରେ ନେପାଳ ଭୂମିକମ୍ପର ଝଟକାରେ ଥରି ଉଠିଛି । ଏହାର କେନ୍ଦ୍ରସ୍ଥଳୀ ଭୂପୃଷ୍ଠରୁ ୭୩ କିମି ଗଭୀରତାରେ ଥିବା ଜଣା ପଡିଛି ।
ଏଥିରେ କାହାରି କିଛି କ୍ଷୟକ୍ଷତି ହୋଇଥିବା ସୂଚନା ମିଳିନାହିଁ । ତେବେ ଲୋକେ ଭୟଭୀତ ଅବସ୍ଥାରେ ରହିଛନ୍ତି । ଝଟକା ଲାଗିବା ପରେ ସେମାନେ ଘରୁ ବାହାରି ଆସିଥିଲେ। ଏହାପୂର୍ବରୁ ଗତ ନଭେମ୍ବର ୧ ତାରିଖରେ ଜାପାନରେ ଭୂମିକମ୍ପର ଝଟକା ଅନୁଭୂତ ହୋଇଥିଲା। ରିକ୍ଟର ସ୍କେଲରେ ଏହାର ତୀବ୍ରତା ୬.୦ ରହିଥିଲା । ଏଥିରେ କିଛି ବଡ଼ ଧରଣର କ୍ଷୟକ୍ଷତି ହୋଇନଥିଲା।
