ସଂଚାର ବ୍ୟୁରୋ: ଆଳୁ ଅଭାବ ପ୍ରସଙ୍ଗରେ ପୁଣି ଚିରାଚରିତ ଉତ୍ତର ରଖିଛନ୍ତି ଯୋଗାଣ ମନ୍ତ୍ରୀ କୃଷ୍ଣପାତ୍ର । ବ୍ୟବସାୟୀ ମହାସଂଘ, ଶୀତଳ ଭଣ୍ଡାର ମାଲିକ, ରିଟେଲରମାନଙ୍କ ସହ ଆଲୋଚନା ପରେ ମନ୍ତ୍ରୀ କହିଛନ୍ତି ରାଜ୍ଯକୁ ପ୍ରଚୁର ଆଳୁ ଆସିବ ଏବଂ ଲୋକଙ୍କୁ କିଭଳି ସୁଲଭମୂଲ୍ୟରେ ଆଳୁ ମିଳିବ ସେନେଇ ଆଲୋଚନା କରାଯାଇଛି । ଆବଶ୍ୟକ ପଡିଲେ ନିଫେଡ ବିଭିନ୍ନ ରାଜ୍ୟର ଆଳୁ ଦର ସଂଗ୍ରହ କରି ରାଜ୍ୟ ସରକାରଙ୍କୁ ପ୍ରଦାନ କରିବ । ଆସନ୍ତାକାଲିଠାରୁ ସଠିକ୍ ଦରରେ ଖାଉଟିଙ୍କୁ ଆଳୁ କିପରି ମିଳିବ ସେନେଇ ପଦକ୍ଷେପ ନିଆଯିବ । ଉତ୍ତରପ୍ରଦେଶ ଆଳୁ ସମ୍ପର୍କରେ ମନ୍ତ୍ରୀ କହିଛନ୍ତି, ୟୁପି ଆଳୁର ମାନ ଭଲ । ଏହା ପଶ୍ଚିମବଙ୍ଗ ଆଳୁ ଦର ସହ ସମାନ । ଅସାଧୁ ବ୍ୟବସାୟୀଙ୍କ ଉପରେ ସରକାର କାର୍ଯ୍ୟାନୁଷ୍ଠାନ ଗ୍ରହହଣ କରିବେ ।
