ସଂଚାର ବ୍ୟୁରୋ: ବେସାମରିକ ବିମାନ ଚଳାଚଳ ମହାନିର୍ଦ୍ଦେଶାଳୟ (ଡିଜିସିଏ) ଟାଟା ଗ୍ରୁପର ଏୟାର ଇଣ୍ଡିଆ ଉପରେ ୯୦ ଲକ୍ଷ ଟଙ୍କାର ଜରିମାନା ଲାଗୁ କରିଛି । ଉଚିତ ଦକ୍ଷତା ନ ଥିବା କ୍ରୁ ମେମ୍ବରଙ୍କ ସହ କମ୍ପାନିର ବିମାନ ଉଡାଣ ଭରିଥିବା ନେଇ ଅଭିଯୋଗ ରହିଥିଲା । ଏଭଳି ଖାମଖିଆଲି କାମ ଯୋଗୁ ଡିଜିସିଏ ଏୟାର ଇଣ୍ଡିଆର ଡାଇରେକ୍ଟର ଅଫ୍ ଅପରେସନ ଉପରେ ୬ ଲକ୍ଷ ଟଙ୍କା ଏବଂ ଡାଇରେକ୍ଟର ଅଫ୍ ଟ୍ରେନିଂ ଉପରେ ୩ ଲକ୍ଷ ଟଙ୍କାର ଜରିମାନା ଲଗାଇଛନ୍ତି । ଭବିଷ୍ୟତରେ ଯେଭଳି ଏଭଳି ଭୂଲ କମ୍ପାନି ନ କରେ ସେ ନେଇ କଡା ଚେତାବନି ଦିଆଯାଇଛି ।
