ଭୁବନେଶ୍ବର : ଫେରିଗଲେ ରୋହିତ ଆଣ୍ଡ କୋ । ଇଂଲଣ୍ଡ ଟିମ୍ ପରେ ଭୁବନେଶ୍ବର ଛାଡ଼ିଲେ ମେନ୍ ଇନ୍ ବ୍ଲୁ । ବାରବାଟୀରେ ଦମଦାର ପ୍ରଦର୍ଶନ ପରେ ଅହମଦାବାଦ ଫେରୁଛନ୍ତି ଖେଳାଳି । ସ୍ବତନ୍ତ୍ର ବିମାନ ଯୋଗେ ଫେରିଗଲେ ଦୁଇ ଦଳ । ବାରବାଟୀ ଦ୍ବିତୀୟ ଦିନିକିଆ ଜିତିବା ସହ ସିରିଜ କବଜା କରିଛି ଟିମ ଇଣ୍ଡିଆ । ଅହମ୍ମଦାବାଦରେ ଅନ୍ତିମ ଦିନିକିଆ ଖେଳିବ ଭାରତ ।
ଭୁବନେଶ୍ବର ଛାଡ଼ିବା ପୂର୍ବରୁ ଖେଳାଳିଙ୍କ ଟିକେ ଝଲକ ପାଇବା ପାଇଁ ହୋଟେଲ ଆଗରେ ଫ୍ୟାନ୍ସଙ୍କ ଭିଡ଼ ଜମିଥିଲା । ଦ୍ବିତୀୟ ଦିନିକିଆ ଜିତିବା ପରେ ଫ୍ୟାନଙ୍କ ମୁହଁରେ ଭାରତୀୟ କ୍ରିକେଟରଙ୍କ ପ୍ରଶଂସା । ଚର୍ଚ୍ଚାରେ ହିଟ୍ ମ୍ୟାନ ରୋହିତ ଶର୍ମାଙ୍କ ବିସ୍ଫୋରକ ଶତକୀୟ ଇନିଂସ। ଇଂଲଣ୍ଡ ବିପକ୍ଷ ଦ୍ବିତୀୟ ଦିନିକିଆ ମ୍ୟାଚକୁ ୪ ୱିକେଟରେ ଜିତିବା ସହ ୩ ମ୍ୟାଚ ବିଶିଷ୍ଟ ସିରିଜକୁ ଆଗୁଆ କବଜା କରିଛି ଟିମ୍ ଇଣ୍ଡିଆ। ଇଂଲଣ୍ଡର ୩୦୫ ରନ ଟାର୍ଗେଟକୁ ପିଛା କରୁଥିଲା ଭାରତ। ୩୩ ବଲ ବାକି ଥାଇ ବିଜୟ ବାନା ଉଡାଇଥିଲା ଘରୋଇ ଟିମ ।
