ସଂଚାର ବ୍ୟୁରୋ: ସୁନ୍ଦରଗଡ଼ ସଦର ଥାନା ନବରଙ୍ଗପୁର ଗାଁରେ ଘର ଭିତରୁ ଜଣେ ମହିଳାଙ୍କ ଅର୍ଦ୍ଧନଗ୍ନ ମୃତଦେହ ଉଦ୍ଧାର । ମୃତକ ହେଲେ ସଂଯୁକ୍ତ କିସାନ । ସ୍ବାମୀଙ୍କ ଠାରୁ ଅଲଗା ହୋଇ ସେ ଏକୁଟିଆ ରହୁଥିଲେ । ମିଶନ ଶକ୍ତିରେ ନବରଙ୍ଗପୁରର ସିଆରପି ଭାବରେ କାମ କରୁଥିଲେ । ତାଙ୍କୁ କେହି ହତ୍ୟା କରିଥିବା ସନ୍ଦେହ କରାଯାଉଛି । ୱାର୍ଡ ମେମ୍ବର ଘର ଭିତରେ ସଂଯୁକ୍ତାଙ୍କ ମୃତଦେହ ପଡିଥିବା ଖବର ପାଇ ପୋଲିସକୁ ସୂଚନା ଦେଇଥିଲେ । ବର୍ତ୍ତମାନ ସୁଦ୍ଧା ହତ୍ୟାର କାରଣ ଅସ୍ପଷ୍ଟ ରହିଥିବା ବେଳେ ସଦର ଏସଡ଼ିପିଓ, ଥାନା ଅଧିକାରୀ ଓ ପୋଲିସ ଟିମ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
