ସଂଚାର ବ୍ୟୁରୋ: ଆଠ ବର୍ଷ ପରେ ଘରକୁ ଫେରିଲା ହଜିଲା ଝିଅ । ଏଭଳି ଘଟଣା ଦେଖିବାକୁ ମିଳିଛି ରାୟଗଡା ଜିଲ୍ଲା ଗୁଣୁପୁର ବ୍ଲକ୍ ଟଲଣା ପଞ୍ଚୟତର ବଡମାସିଂ ଗ୍ରାମରେ । ଏହି ଗାଁର ଲାଣ୍ଡମି ଶବର ପିଲା ବେଳରୁ ମୁକ ବଧିର ହୋଇଥିବାରୁ ପରିବାର ଲୋକେ ତାଙ୍କୁ ବାଲେଶ୍ବର ମୁକ ବଧିର ବିଦ୍ୟାଳୟରେ ଛାଡିଥିଲେ । ସେଠାରୁ ସେ କେଉଁଆଡେ ପଳାଇ ଯାଇଥିଲେ ।
ପୋଲିସ, ଗ୍ରାମବାସୀ, ପରିବାର ଲୋକେ ଖୋଜାଖୋଜି କରିବା ପରେ ମଧ୍ୟ ନାବାଳିକାର କୌଣସି ସନ୍ଧାନ ମିଳିପାରିନଥିଲା । କିଛି ଲୋକେ ଲାଣ୍ଡମିଙ୍କୁ ଉଦ୍ଧାର କରି ଭୁବନେଶ୍ବରର ଏକ ମୁକ ବଧିର ବିଦ୍ୟାଳୟରେ ଭର୍ତ୍ତି କରିଥିଲେ। ସେଠାରେ ନାବାଳିକା ରହୁଥିବା ବେଳେ ତାଙ୍କର କିଛି ଭତ୍ତା ପଇସା ଉଠାଇବା ପାଇଁ ଜନସେବା କେନ୍ଦ୍ରକୁ ଯାଇଥିଲେ । ସେଠାରେ ସେ ବାଲେଶ୍ବର ମୁକ ବଧିର ଶିକ୍ଷା ଅନୁଷ୍ଠାନର ଛାତ୍ରୀ ବୋଲି ପରିଚୟ ମିଳିଥିଲା ।
ନାବାଳିକା ଜଣକୁ ବାଲେଶ୍ବର ଶିକ୍ଷା ଅନୁଷ୍ଠାନ ନେବା ପରେ ତାର ପରିଚୟ ଜଣାପଡିଥିଲା । ନାବାଳିକାକୁ ପରିବାର ଲୋକଙ୍କୁ ହସ୍ତାନ୍ତର କରିବା ପରେ ସାରା ଗାଁରେ ଭାବବିହ୍ବଳ ପରିବେଶ ସୃଷ୍ଟି ହୋଇଛି ।
