ସଂଚାର ବ୍ୟୁରୋ: ଆଜି ଦିଲ୍ଲୀରେ କେନ୍ଦ୍ର କ୍ୟାବିନେଟ ବୈଠକ ଶେଷ ହୋଇଛି। କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା (DA) ବୃଦ୍ଧି ନେଇ ଏକ ବଡ ଘୋଷଣା କରାଯାଇଛି। ୩ ପ୍ରତିଶତ DA ବୃଦ୍ଧିକୁ ସରକାର ଅନୁମୋଦନ କରିଛନ୍ତି। କେନ୍ଦ୍ରୀୟ କର୍ମଚାରୀମାନେ ଅକ୍ଟୋବର ପାଇଁ ବର୍ଦ୍ଧିତ ଦରମା ପାଇବେ ଏବଂ ଏହା ସହିତ ସେମାନେ ୩ ମାସର ବକେୟା ମଧ୍ୟ ପାଇବେ। ସରକାରୀ କର୍ମଚାରୀଙ୍କ ସହ ପେନ୍ସନ୍ ଭୋଗୀ ଉପକୃତ ହେବେ। ବର୍ତ୍ତମାନ କେନ୍ଦ୍ର ସରକାରଙ୍କ ପାଇଁ କାର୍ଯ୍ଯ କରୁଥିବା ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ୫୦ ପ୍ରତିଶତ ଥିଲା। କ୍ୟାବିନେଟ ୩ ପ୍ରତିଶତ ବୃଦ୍ଧିକୁ ଅନୁମୋଦନ କରିବା ପରେ ଏହା ୫୩ ପ୍ରତିଶତକୁ ବୃଦ୍ଧି ପାଇଛି।
