ସଂଚାର ବ୍ୟୁରୋ: ଭରତପୁର ଥାନା ଲଜ୍ଜା ଘଟଣାରେ କାଲି ଗୁଜରାଟ ଯିବ କ୍ରାଇମବ୍ରାଞ୍ଚ ଟିମ୍। ଅଭିଯୁକ୍ତ ପୋଲିସ ଅଧିକାରୀଙ୍କ ପଲିଗ୍ରାଫ, ବ୍ରେନ୍ ମ୍ୟାପିଂ ଓ ନାର୍କୋ ଟେଷ୍ଟ ହେବ। ତେଣୁ କ୍ରାଇମବ୍ରାଞ୍ଚ ସେହି ପୋଲିସ ଅଧିକାରୀଙ୍କୁ ଗୁଜରାଟ ଗାନ୍ଧିନଗର ନେବ। ସୋମବାର ଦିନ ନିଲମ୍ଵିତ ଆଇଆଇସି ଦୀନକୃଷ୍ଣ ମିଶ୍ରଙ୍କ ପଲିଗ୍ରାଫ, ବ୍ରେନ୍ ମ୍ୟାପିଂ ଓ ନାର୍କୋ ଟେଷ୍ଟ କରାଯିବ। ବାକି ୪ ପୋଲିସଙ୍କ ପଲିଗ୍ରାଫ ଟେଷ୍ଟ ହେବ। ଏହି ସବୁ ରିପୋର୍ଟ ଆସିବା ପରେ ତଦନ୍ତକୁ ନୂଆ ଦିଗ ମିଳିବ ବୋଲି ଆଶା କରାଯାଉଛି। ଅନୁସନ୍ଧାନରେ ମଧ୍ୟ ଅଗ୍ରଗତି ହେବ। ଜଣାପଡ଼ିବ କିଏ ସତ କହୁଛି, କିଏ ମିଛ କହୁଛି।
