ବିହାରରେ ପ୍ରଥମ ପର୍ଯ୍ୟାୟ ବିଧାନସଭା ନିର୍ବାଚନ ଲାଗି ଆଜି ଭୋଟିଂ। ୧୮ ଜିଲ୍ଲାର ୧୨୧ ଆସନରେ ଚାଲିଛି ମତଦାନ। ଶାନ୍ତି ଶୃଙ୍ଖଳାରେ ନିର୍ବାଚନ ସାରିବାକୁ ଇସି ପକ୍ଷରୁ ଚୂଡ଼ାନ୍ତ ହୋଇଛି ପ୍ରସ୍ତୁତି । ଇଭିଏମରେ ସିଲ୍ ହେବ ଏନଡିଏ, ମହାମେଣ୍ଟ ଓ ଜନସୁରାଜ ପାର୍ଟିର ୧୩୩ ମହିଳାଙ୍କ ସହ ମୋଟ ୧୩୧୪ ଜଣ ପ୍ରାର୍ଥୀଙ୍କ ଭାଗ୍ୟ। ସକାଳ 7ଟାରୁ ସନ୍ଧ୍ୟା 6ଟା ଯାଏ ହେବ ମତଦାନ । ସୁରକ୍ଷା କାରଣରୁ ଅଳ୍ପ କିଛି ବୁଥରେ ସନ୍ଧ୍ୟା ୫ଟା ଯାଏଁ ମତଦାନ ହେବ।
ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ନିର୍ବାଚନ କମିଶନ ପକ୍ଷରୁ ମୋଟ ୪୫ ହଜାର ୩୪୧ ପୋଲିଂ ବୁଥ୍ ପ୍ରସ୍ତୁତ କରାଯାଇଛି। ମତଦାନ ସାବ୍ୟସ୍ତ କରିବେ ୩ କୋଟି ୭୫ ଲକ୍ଷ ୧୩ ହଜାର ୩୦୨ ଜଣ ଭୋଟର। ପୁରୁଷ ଭୋଟର ସଂଖ୍ୟା ୧ କୋଟି ୯୮ ଲକ୍ଷ ୩୫ ହଜାର ୩୨୫ ରହିଥିବାବେଳେ ମହିଳା ଭୋଟର ସଂଖ୍ୟା ରହିଛି ୧ କୋଟି ୭୬ ଲକ୍ଷ ୭୭ ହଜାର ୨୧୯ । ଏଥର ପ୍ରଥମ ଥର ପାଇଁ ଭୋଟଦେବେ ୭ ଲକ୍ଷ ୩୭ ହଜାର ୭୬୫ ଜଣ। ପ୍ରଥମ ପର୍ଯ୍ୟାୟ ନିର୍ବାଚନରେ ୧୨୨ ଜଣ ମହିଳା ପ୍ରାର୍ଥୀ ନିର୍ବାଚନ ଲଢୁଥିବାବେଳେ ଦାଗୀ ପ୍ରାର୍ଥୀଙ୍କ ସଂଖ୍ୟା ୪୨୩ ଓ କୋଟିପତି ପ୍ରାର୍ଥୀଙ୍କ ସଂଖ୍ୟା ୫୧୯ ରହିଛି । ପ୍ରଥମ ପର୍ଯ୍ୟାୟ ନିର୍ବାଚନରେ BJPର 48, JDUର 57, LJP(RB)ର 12, RJDର 72, କଂଗ୍ରେସର 24, CPI(ML)ର 14, CPIର 5 ଓ CPMର 3 ଜଣ ପ୍ରାର୍ଥୀ ନିର୍ବାଚନ ଲଢୁଛନ୍ତି ।
