ଓଡ଼ିଆ ଅଭିନେତା ଅନୁଭବ ମହାନ୍ତି ଓ ପତ୍ନୀ ଜାଗୃତିଙ୍କ ଘରେ ଖୁସିର ମାହୋଲ । ଜାଗୃତିଙ୍କ ୭ମାସର ଗର୍ଭାବସ୍ଥା ଅବସରରେ ଆୟୋଜିତ ହୋଇଛି ବେବି ସାୱର୍ ସମାରୋହ । ପରିବାର ସଦସ୍ୟଙ୍କ ଗହଣରେ ଏହି ବିଶେଷ ମୁହୂର୍ତ୍ତକୁ ଉପଭୋଗ କରିଛନ୍ତି ଅନୁଭବ ଓ ଜାଗୃତି ।
ପାରମ୍ପରିକ ପୋଷାକରେ ଉଭୟଙ୍କ ସୁନ୍ଦର ଫଟୋ ଏବେ ଚର୍ଚ୍ଚାରେ । ନୂଆ ଅତିଥିର ଆଗମନକୁ ନେଇ ପରିବାରରେ ଉତ୍ସାହ ଓ ଆନନ୍ଦର ପରିବେଶ । ଯାହାର ଫଟୋ ନିଜ ସୋସିଆଲ୍ ମିଡିଆ ଆକାଉଣ୍ଟରେ ସେୟାର କରିଛନ୍ତି ଅନୁଭବ । ଗୋଟେ ଫଟୋରେ ଉଭୟ ଅନୁଭବ ଓ ଜାଗୃତି ଥିବାବେଳେ, ଆଉ ଏକ ଫଟୋରେ ଉଭୟ ପରିବାର ସହ ନଜର ଆସୁଥିବା ଦେଖିବାକୁ ମିଳୁଛି ।
ଅନୁଭବ ଓ ଜାଗୃତି ଶୁକ୍ଳା ଖୁବ୍ଶୀଘ୍ର ବାପା-ମା’ ହେବାକୁ ଯାଉଥିବା ଖବର ସାମ୍ନାକୁ ଆସିବା ପରେ ପ୍ରଶଂସକଙ୍କ ମଧ୍ୟରେ ଖୁସିର ମାହୋଲ ଖେଳିଯାଇଛି । ଅନୁଭବ ନିକଟରେ ନିଜ ଇନ୍ଷ୍ଟାଗ୍ରାମ୍ ପୋଷ୍ଟ ମାଧ୍ୟମରେ ଏହି ଖୁସି ଖବର ସେୟାର କରିଥିବା ଜଣାପଡ଼ିଛି । ଏହା ପରେ ସୋସିଆଲ ମିଡିଆରେ ତାଙ୍କୁ ଶୁଭେଚ୍ଛା ସୁଅ ଛୁଟିବାରେ ଲାଗିଛି ।
ଓଡ଼ିଆ ଚଳଚ୍ଚିତ୍ର ଜଗତରେ ଅନୁଭବ ଜଣେ ପରିଚିତ ଅଭିନେତା । ତାଙ୍କ ଅଭିନୟକୁ ଦର୍ଶକ ଦୀର୍ଘଦିନ ଧରି ଭଲ ପାଇ ଆସିଛନ୍ତି । ଏବେ ତାଙ୍କ ବ୍ୟକ୍ତିଗତ ଜୀବନର ଏହି ଖୁସି ଖବରକୁ ନେଇ ପ୍ରଶଂସକମାନେ ଉତ୍ସାହିତ ଅଛନ୍ତି ।



