ସଂଚାର ବ୍ୟୁରୋ: ବରଗଡ ଧନୁଯାତ୍ରା ପାଇଁ ଘୋଷଣା ହେଲା ତାରିଖ । ଜାନୁୟାରୀ ୩ରୁ ୧୩ ତାରିଖ ଯାଏଁ ଚାଲିବ ଯାତ୍ରା । ଏନେଇ ବରଗଡ଼ ଜିଲ୍ଲାପାଳ ସମ୍ମଳନୀ କକ୍ଷରେ ଆୟୋଜିତ ଗୁରୁତ୍ଵପୂର୍ଣ୍ଣ ବୈଠକରେ ଧନୁଯାତ୍ରା କମିଟିର ସମ୍ପାଦକ ସୁରେଶ୍ଵର ଶତପଥୀ ଘୋଷଣା କରିଛନ୍ତି । ଧନୁଯାତ୍ରା ମହୋତ୍ସବ କମିଟିକୁ ନେଇ ଆୟ ବ୍ୟୟର ଗୁରୁତ୍ୱପୂର୍ଣ୍ଣ ବୈଠକରେ ଧନୁଯାତ୍ରା ସମ୍ବନ୍ଧୀୟ ବିଭିନ୍ନ ପ୍ରସଙ୍ଗରେ ଆଲୋଚନା କରାଯାଇଛି । ବୈଠକରେ ବରଗଡ଼ ଜିଲ୍ଲାପାଳ ଆଦିତ୍ୟ ଗୋୟଲ ସମେତ ଅନ୍ୟ ଜିଲ୍ଲାର ପ୍ରଶାସନିକ ଅଧିକାରୀ ଓ ଧନୁଯାତ୍ରା କମିଟିର ସଦସ୍ୟ ଉପସ୍ଥିତ ଥିଲେ ।
