ସଂଚାର ବ୍ୟୁରୋ: ରେକର୍ଡ କଲେ ହୃଦୟ ଜିତିଲେ ରବି ଯୋଡି, ଟେଷ୍ଟରେ କମବ୍ୟାକ କଲା ଟିମ୍ ଇଣ୍ଡିଆ,ଭାଙ୍ଗିଲେ ସଚିନ-ଜାହିରଙ୍କ ୨୦ ବର୍ଷର ପୁରୁଣା ରେକର୍ଡ,ଚେନ୍ନାଇରେ ଧମାଲ୍ କଲେ ଟିମ୍ ଇଣ୍ଡିଆର ଷ୍ଟାର-ଅଲରାଉଣ୍ଡ ରବିଚନ୍ଦ୍ରନ ଅଶ୍ବିନ୍-ରବିନ୍ଦ୍ର ଜାଡେଜା,ଭେଟିଦେଲେ ଅର୍ଦ୍ଧଶତକ ପରେ ଶତକୀୟ ପାରି,ବାଂଲାଦେଶ ବୋଲରଙ୍କ ନିଦ ହଜାଇଦେଲେ,ସଭିଏଁ କହିଲେ ସାବାସ୍ ରବି ଯୋଡି,ସେଥିପାଇଁ ତ ଭାରତର ଷ୍ଟାର ଅଲରାଉଣ୍ଡର ଅଶ୍ବିନ୍-ଜାଡେଜା।
ବାଂଲାଦେଶ ବିପକ୍ଷ ଟେଷ୍ଟ ଦମ୍ ଦେଖାଇଛନ୍ତି ଅଶ୍ବିନ-ଜାଡେଜା ଯୋଡି। ଯାହା ରନ୍ ମେସିନ ବିରାଟ କୋହଲି, ଏବଂ ହିଟ୍ ମ୍ୟାନ୍ ରୋହିତ ଶର୍ମା,ଗିଲ୍,କରିପାରିଲେନି ତାହା କରିଦେଖାଇଲେ ରବି ଯୋଡି ରବି। ଅଶ୍ବିନଙ୍କ ୧୩୩ ବଲରୁ ୧୧୩ ରନ୍ ,୧୧ ଚୌକା,୨ ଛକା,୮୪.୯୬ ଷ୍ଟ୍ରାଇକ୍ ରେଟ୍ ଜବରଦସ୍ତ ପାରି,ଆଉ ତା ସାଙ୍ଗକୁ ଜାଡେଜାଙ୍କ ୧୨୪ ବଲରୁ ୮୬ ରନ୍ ,୧୦ ଚୌକା,୨ ଛକା,୬୯.୩୫ ଷ୍ଟ୍ରାଇକ୍ ରେଟ୍ । ସପ୍ତମ ୱିକେଟ୍ ପାଇଁ ୧୯୫ ରନର ଭାଗିଦାରୀ କରିଥିଲେ ଅଶ୍ବିନ-ଜାଡେଜା ଯୋଡ।ଯାହା ବାଂଲାଦେଶ ବିପକ୍ଷରେ ଶ୍ରେଷ୍ଠ ଭାଗିଦାରି। ଯାହା ସଚିନ-ଜାହିରଙ୍କ ୨୦ ବର୍ଷର ପୁରୁଣା ରେକର୍ଡ ଭାଙ୍ଗିଛି,କିମ୍ବଦନ୍ତି ଖେଳାଳି ,ସଚିନ ତେନ୍ଦୁଲକର ଏବଂ ଜାହିର ଖାନ ୨୦୦୪ରେ ୧୦ ୱିକେଟ୍ ରେ ୧୩୩ ରନ ଯୋଡିଥିଲେ। ଏହି ମ୍ୟାଚରେ ସଚିନ୍ ନିଜ କ୍ୟାରିୟରର ଶ୍ରେଷ୍ଠ ୨୪୮ ରନ କରିଥିଲେ। ଯେତେବେଳେ ଟିମ୍ ଇଣ୍ଡିଆର ସ୍କୋର ୩୪ରେ ୩ ,୧୪୪ରେ ୬ ୱିକେଟ୍ ପଡିଥିଲା ସେତେବେଳେ ବାଂଲାଦେଶକୁ ଲାଗିଥିଲା ପାକିସ୍ତାନ ଗସ୍ତର ରିପିଟ୍ ହେବ କିନ୍ତୁ ପରେ ମଇଦାନକୁ ଆସିଥିଲେ ଅଶ୍ବିନ-ଜାଡେଜାଙ୍କଯୋଡି ବାଲାଂ ବୋଲରଙ୍କ ନିଦ ହଜାଇଦେଲେ ପ୍ରଥମ ଦିନରେ ଖେଳ ଶେଷ ସୁଦ୍ଧା ୩୩୯ ରନ୍ ୬ ୱିକେଟ୍ ବିନିମୟରେ କରିଥିଲା ଭାରତ,ଦ୍ବିତୀୟ ଦିନରେ ବାଂଲାଦେଶ ବିପକ୍ଷ ଟେଷ୍ଟ ୩୭୬ ରନରେ ଅଟକିଲା ରୋହିତ ସେନା,ଭାରତର ୯୧.୨ ଓଭରରେ ସମସ୍ତ ୱିକେଟ ହରାଇ ୩୭୬ ରନ୍ କରିଥିଲା। ଅଶ୍ବିନଙ୍କ ୧୧୩, ଜାଡେଜାଙ୍କ ୮୬, ଜୟସ୍ୱାଲ ୫୬, ପନ୍ତ ୩୯ ରନ୍ କରିଥିଲେ। ବାଂଲାଦେଶ ପକ୍ଷରୁ ହାସନ ମହମୁଦ ସର୍ବାଧିକ ୫ଟି ୱିକେଟ୍ ନେଇଥିଲେ। ସୂଚନା ଅନୁସାରେ ଖବର ଲେଖା ହେବା ସୁଦ୍ଧା ବାଂଲାଦେଶ ୯ ଓଭରରେ ୩ ୱିକେଟ୍ ହରାଇ ୨୬ ରନ୍ ସଂଗ୍ରହ କରିଥିଲା
