ସଂଚାର ବ୍ୟୁରୋ: ବ୍ୟୟ ମଂଜୁର ବିଲ ଆଲୋଚନାରେ ବିଜେଡି ବିଧାୟକ ଅରୁଣ ସାହୁ ନବୀନ ସରକାରଙ୍କ ୨୪ ବର୍ଷ ସୁଶାସନର ହିସାବ ଦେଇଛନ୍ତି । ସୁନାର ଓଡ଼ିଶାର କଥାକୁ ବିଧାନସଭାରେ ବଖାଣିଛନ୍ତି l ୨୦୦୦ ମସିହାରେ ନବୀନ ପଟ୍ଟନାୟକ ମୁଖ୍ୟମନ୍ତ୍ରୀ ହେବା ପରେ ଓଡିଶାର ଭାଗ୍ୟ କିପରି ବଦଳିଲା ତାହା ଗୃହକୁ ଅବଗତ କରିଛନ୍ତି ଅରୁଣ ସାହୁ । ଅରୁଣ କହିଛନ୍ତି, ୨୦୦୦ ମସିହାରେ ଓଡିଶାର ବଜେଟ ୧୧ ହଜାର କୋଟି ଥିବା ବେଳେ ୠଣ ଥିଲା ୧୮ ହଜାର କୋଟି l ୨୦୨୪ରେ ଓଡିଶାର ବଜେଟ ୨ ଲକ୍ଷ ୫୫ ହଜାର କୋଟି ଥିବା ବେଳେ ୠଣଭାର ୯୬ ହଜାର କୋଟି l ଯାହାକି ଭାରତ ବର୍ଷର ବହୁ ରାଜ୍ୟ ତୁଳନାରେ ବହୁତ କମ୍ l ଅନ୍ୟ ରାଜ୍ୟରେ ବଜେଟ ଯେତିକି ତାଠାରୁ ୠଣ ଭାର ଦୁଇ ଗୁଣା l ଗୁଜୁରାଟରେ ୩ ଲକ୍ଷ ୨୫ ହଜାର କୋଟି ଟଙ୍କାର ଋଣ ରହିଥିବାବେଳେ ମହାରାଷ୍ଟ୍ରରେ ୫ଲକ୍ଷ ୨୩ ହଜାର, ବିହାରରେ ୨ ଲକ୍ଷ ୮ ହଜାର, ତେଲଙ୍ଗାନାରେ ୩ ଲକ୍ଷ ୭ ହଜାର, ହରିଆଣାରେ ୨ଲକ୍ଷ ୪୧ ହଜାର କୋଟି ଟଙ୍କା ଋଣ ରହିଛି । ଦେଶର ପ୍ରଗତିଶୀଳ ରାଜ୍ଯ ମଧ୍ଯରେ ଓଡ଼ିଶା ସବୁଠୁ ଆଗରେ । ବିଜେପି ଡିଏନରେ ରହିଛି ଋଣ । ଓଡ଼ିଶାରେ ୨୦୦୦ ମସିହାରେ ଓଭର ଡ୍ରlଫ ଥିଲା । ହେଲେ ୨୦୦୩-୦୪ ପରଠୁ ଆଉ ଓଭର ଡ୍ରାଫ ନାହିଁ l ଏହା ହିଁ ୨୪ ବର୍ଷ ଶାସନର ସଫଳତା ବୋଲି ଅରୁଣ କହିଛନ୍ତି । ୨୦୦୦ ମସିହାରେ ନିଅଣ୍ଟିଆ ରାଜସ୍ବ ଥିବା ଓଡ଼ିଶା ନବୀନଙ୍କ ନେତୃତ୍ବରେ ୨୦୨୪ରେ ଭାରତ ବର୍ଷରେ ଓଡ଼ିଶା ରାଜସ୍ବ ବଳକା ରାଜ୍ୟରେ ପରିଣତ ହୋଇଛି l ୨୦୦୦ ମସିହାରେ ବକେୟା ଋଣ ୩୮ ପ୍ରତିଶତ ଥିବାବେଳେ ୨୦୨୪ରେ ଏହା ୧୨ ପ୍ରତିଶତରେ ପହଞ୍ଚିଛି l ମୋଦି ସରକାର ବେଳେ ବଜେଟ ୪୮ ଲକ୍ଷ ଥିବା ବେଳେ ଋଣ ଭାର ୧୮୫ କୋଟି ଟଙ୍କା ଋଣ l ଅର୍ଥାତ ଭାରତ ବର୍ଷର ପ୍ରତ୍ୟେକ ଲୋକଙ୍କ ମୁଣ୍ଡ ପିଛା ଋଣ ୧ ଲକ୍ଷ ୨୫ ହଜାର ଟଙ୍କା l ନବୀନଙ୍କ ୨୪ ବର୍ଷରେ ଓଡିଶା ରାଜସ୍ବ ବଳକା ରାଜ୍ୟ ଭାବେ ଦେଶରେ ଆଗରେ l ୧୯୯୯ ମହାବାତ୍ୟାରେ ଓଡ଼ିଶା ଉଜୁଡିଯାଇଥିଲା l ଓଡିଶା ବାହାର ରାଜ୍ୟକୁ ସହାୟତାର ହାତ ମାଗିଥିଲା l ହେଲେ ୨୪ ବର୍ଷ ପରେ ଓଡିଶା ପୂରା ଦେଶକୁ ସହାୟତାର ହାତ ବଢ଼ାଇଛି l ୨୦୦୦ ମସିହାରେ ୬ରୁ ୭ ଲକ୍ଷ ମେଟ୍ରିକ୍ ଟନ୍ ଧାନ ଉତ୍ପାଦନ ହେଉଥିବା ବେଳେ ୨୦୨୪ରେ ୮୦ ଲକ୍ଷ ମେଟ୍ରିକ୍ ଟନ୍ ଉତ୍ପାଦନ ହେଉଛି l ଚାଉଳ ଅଭାବୀ ରାଜ୍ୟ ଭାବେ ଦିନେ ପରିଗଣିତ ଓଡ଼ିଶା ଆଜି ଚାଉଳ ବଳକା ରାଜ୍ୟରେ ପରିଣତ ହୋଇଛି l ଅଣ୍ଡା, ମାଛ ଉତ୍ପାଦନରେ ଓଡ଼ିଶା ଆଜି ଉଲ୍ଲେଖନୀୟ ଭୂମିକା ଗ୍ରହଣ କରିଛି l ମିଲେଟ ମିଶନରେ ଓଡ଼ିଶାର ପୂରା ବିଶ୍ୱରେ ନାଁ କରିଛି l ଓଡ଼ିଶାରେ ଚାଷୀ ଆତ୍ମହତ୍ୟା ଶୂନ l