ସଂଚାର ବ୍ୟୁରୋ: ଇଣ୍ଡିଆନ୍ ପ୍ରିମିୟର ଲିଗ୍ ଆଇପିଏଲର ଆଗାମୀ ସିଜିନ୍ ପାଇଁ ସବୁ ଦଳର ସେମାନଙ୍କର ବିଭିନ୍ନ ପ୍ରସ୍ତୁତି ଆରମ୍ଭ କରି ଦେଇଛନ୍ତି । ଖେଳାଳିଠୁ ଆରମ୍ଭ କରି କୋଚ୍ ଏବଂ ଷ୍ଟାଫ୍ ମଧ୍ୟ ପରିବର୍ତ୍ତନ କରୁଛନ୍ତି । ସେହି ଅନୁସାରେ ଶାହାରୁଖ ଖାନଙ୍କ କୋଲକାତା ନାଇଟ ରାଇଡର୍ସ ତାର କୋଚ୍ ପରିବର୍ତ୍ତନ କରିଛି ।
ପୂର୍ବରୁ କେକେଆରର କୋଚ୍ ଥିଲେ ପୂର୍ବତନ ଖେଳାଳି ଚନ୍ଦ୍ରକାନ୍ତ ପଣ୍ଡିତ । ଏବେ ତାଙ୍କ ସ୍ଥାନରେ ଅନ୍ୟତମ ପୂର୍ବତନ ଖେଳାଳି ଅଭିଷେକ ନାୟରଙ୍କୁ ଦଳର ମୁଖ୍ୟ କୋଚ୍ ଭାବେ ଦାୟିତ୍ବ ଦିଆଯାଇଛି । ଗତ ସିଜିନରେ କେକେଆରର ପ୍ରଦର୍ଶନ ଖରାପ ଥିଲା । ତେଣୁ କୋଚ୍ ବଦଳାଇବାର ନିଷ୍ପତ୍ତି ନିଆଯାଇଛି । ଅବଶ୍ୟ ଚନ୍ଦ୍ରକାନ୍ତ ପଣ୍ଡିତ ନିଜ ଆଡୁ କେକେଆର ସହିତ ତାଙ୍କ ସମ୍ବନ୍ଧ ତୁଟାଇ ଥିଲେ ।
ଆଗାମୀ ନଭେମ୍ବର ୧୫ ତାରିଖ ସୁଦ୍ଧା ଆଇପିଏଲ୍ ଟିମ ସବୁ ସେମାନଙ୍କ ତାଲିକା ଦେବେ । କାହାକୁ ରଖିଲେ ଓ କାହାକୁ ବିଦା କଲେ ତାର ତାଲିକା ପ୍ରଦାନ କରିବେ । ତେଣୁ ବିଭିନ୍ନ ଦଳ ସେମାନଙ୍କ ଟିମରେ ପରିବର୍ତ୍ତନ କରୁଛନ୍ତି ।
