ସଂଚାର ବ୍ୟୁରୋ: ବିଜେଡି ଛାଡ଼ି ବିଜେପିରେ ଯୋଗ ଦେଇଥିବା ସୁଜିତ କୁମାର ଏବେ ଚର୍ଚ୍ଚାର କେନ୍ଦ୍ରବିନ୍ଦୁ । ମମତା ମହାନ୍ତଙ୍କ ପରେ ସୁଜିତ କୁମାର ବିଜେଡିକୁ ଧୋକା ଦେଇ ବିଜେପିରେ ଯୋଗ ଦେବା ପରେ ବିଜେଡି ନେତାଏଁ ଏବେ ସୁଜିତଙ୍କୁ ସମାଲୋଚନା କରୁଛନ୍ତି । ନିଜର ସୋସିଆଲ ମିଡିଆରେ ସମାଲୋଚନା କରି ବିଜେଡି ରାଜ୍ୟସଭା ସାଂସଦ ମାନସ ମଙ୍ଗରାଜ କଡ଼ା ସମାଲୋଚନା କରିଛନ୍ତି । ସୁଜିତଙ୍କୁ ବିଶ୍ୱାସ ଘାତକ କହିଛନ୍ତି ସାଂସଦ ମାନସ ରଞ୍ଜନ ମଙ୍ଗରାଜ। ଯେଉଁ ଦଳ ଆପଣଙ୍କୁ ସବୁବେଳେ ସମ୍ମାନ ଓ ପୁରସ୍କୃତ କଲା ସେହି ଦଳ ପ୍ରତି ଆପଣଙ୍କ ବିଶ୍ୱାସ ଘାତକ ଦୁର୍ଭାଗ୍ୟଜନକ ବୋଲି କହିଛନ୍ତି ମାନସ ଙ୍ଗରାଜ। ଆପଣଙ୍କ ଏଭଳି ନିଷ୍ପତି କଳାହାଣ୍ଡିବାସୀଙ୍କୁ ମର୍ମାହତ କରିଛି। ଏକ୍ସରେ ସୁଜିତଙ୍କୁ କଟାକ୍ଷ କରିବା ସହ ଆମେ ସବୁବେଳେ ନବୀନ ଓ ବିଜେଡି ସହ ରହିଛୁ ବୋଲି କହିଛନ୍ତି ସାଂସଦ ମାନସ ମଙ୍ଗରାଜ। ଦଳ ବିରୋଧୀ କାମ ପାଇଁ ଶୁକ୍ରବାର ବିଜେଡିରୁ ବହିଷ୍କାର ହେବାର କିଛି ଘଣ୍ଟା ଭିତରେ ବିଜେପିରେ ମିଶିଛନ୍ତି ସୁଜିତ କୁମାର।
