ଦିନକୁ ଦିନ ବଢିବାରେ ଲାଗିଛି ଯାତ୍ରା କଳାକାର ଓ ଯାତ୍ରା ମାଲିକଙ୍କ ମଧ୍ୟରେ ବିବାଦ । ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନାରେ ଯାତ୍ରା କଳାକାର ତଥା ହାସ୍ୟ ଅଭିନେତା ନରି ପଣ୍ଡା ଲିଖିତ ଅଭିଯୋଗ କରିଥିଲେ । ଏହାପରେ ଆଜି ତୁଳସୀ ଗଣନାଟ୍ୟର ମାଲିକ ଅନନ୍ତ ନାରାୟଣ ଧଳଙ୍କ ଅଫିସ ସମେତ ବାଲିଚନ୍ଦ୍ରପୁର ସ୍ଥିତ ଢ଼ାବାରେ ପହଞ୍ଚିଛି ପୋଲିସ । ବାଲିଚନ୍ଦ୍ରପୁର ଥାନା ଅଧିକାରୀ ସଂପୃକ୍ତ ଢ଼ାବାରେ ଲାଗିଥିବା ସମସ୍ତ ସିସିଟିଭି ଫୁଟେଜକୁ ଯାଞ୍ଚ କରୁଛନ୍ତି । ଏଗ୍ରିମେଣ୍ଟ ପେପର ଯାଞ୍ଚ କରିବା ସହ ଢ଼ାବାର ଅନ୍ୟ କର୍ମଚାରୀଙ୍କୁ ପଚରାଉଚରା କରୁଛି ପୋଲିସ । ନରି ପଣ୍ଡା ଢ଼ାବା ନିକଟରେ ଥିବା ତୁଳସୀ ଗଣନାଟ୍ୟର ମାଲିକଙ୍କ ଅଫିସକୁ ଟଙ୍କା ଫେରାଇବା ପାଇଁ ଆସିଥିବା ବେଳେ ତାଙ୍କୁ ମାଲିକ ମାଡ ମାରିଥିବା ଅଭିଯୋଗ କରିଥିଲେ । ଏହି ଘାଟଣାକୁ ତୁଳସୀ ମାଲିକ ଖଣ୍ଡନ କରିଥିଲେ ।
