କେନ୍ଦୁଝର ପୋଲିସକୁ ବଡ଼ ସଫଳତା । ବଡ଼ବିଲ ଗ୍ରେୱାଲ୍ କମ୍ପାନୀର ଉପସଭାପତି ନିମାନନ୍ଦ ପ୍ରଧାନଙ୍କ ଅପହରଣ ଘଟଣାର ମୁଖ୍ୟ ଆସାମୀ ସର୍ଫରାଜ ଆନସାରୀ ସହିତ, ଅନ୍ୟ ୬ଜଣ ଅପହରଣକାରୀଙ୍କୁ ରାଞ୍ଚିରୁ ଗିରଫ କଲା ପୋଲିସ୍ । ସେମାନଙ୍କ ନିକଟରୁ ୫୦ ଲକ୍ଷ ୯୦ ହଜାର ଟଙ୍କା, ୮ଟି ମୋବାଇଲ,ଏକ ବାଇକ୍ ଓ ଏକ ଖେଳନା ବନ୍ଧୁକ ଜବତ କରାଯାଇଛି । ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦେଇଛନ୍ତି ଡିଆଇଜି ବ୍ରିଜେଶ୍ ରାୟ । ଗତ ୧୨ ତାରିଖରେ ନିମାନନ୍ଦଙ୍କୁ ଅଫିସରୁ ଘରକୁ ଫେରିବା ବାଟରେ ତାଙ୍କ ଡ଼୍ରାଇଭର୍ ଏମଡ଼ି ଫିରୋଜ୍ ଅପହରଣ କରି ନେଇଥିଲା । ଅପହରଣକାରୀ ୬୦ ଲକ୍ଷ ଟଙ୍କା ନେବା ପରେ ନିମାନନ୍ଦଙ୍କୁ ଛାଡ଼ିଥିଲେ । ଏହି ଘଟଣାରେ ୧୨ଟି ଟିମ୍ ଗଠନ କରି ତଦନ୍ତ ଆରମ୍ଭ କରି ଥିଲା କେନ୍ଦୁଝର ପୋଲିସ । ନିମାନନ୍ଦଙ୍କର ଡ୍ରାଇଭର୍ ଫିରୋଜ୍ ଏହି ଅପହରଣକାରୀ ଗ୍ୟାଙ୍ଗ୍ ସହିତ ପୂର୍ବରୁ ଯୋଗାଯୋଗରେ ଥିବା ଜଣାପଡ଼ିଥିଲା । ଅପହରଣର ୮ଦିନ ପରେ ଘଟଣାର ପର୍ଦ୍ଦାଫାସ କରିଛି କେନ୍ଦୁଝର ପୋଲିସ ।
