ବଡ଼ ଭାଇଙ୍କ ଉପରେ ଟିପ୍ପଣୀ ଦେଲେ ସାନ ଭାଇ ମନ୍ମଥ ରାଉତରାୟ। ତାଙ୍କ ଭାଇ ବିଜେଡି ବିରୁଦ୍ଧରେ ଦେଉଥିବା ମତକୁ ନେଇ ପ୍ରତିକ୍ରିୟା ରଖିଛନ୍ତି ମନ୍ମଥ। କହିଛନ୍ତି, ସୁର ରାଉତରାୟଙ୍କ ଘରେ ଜଣେ ବ୍ୟକ୍ତି ବାରମ୍ବାର ବିଜେଡି ନେତାଙ୍କୁ ଗାଳି କରୁଛନ୍ତି । ଦିନେ ସେହି ବ୍ୟକ୍ତି ବାରମ୍ବାର ବିଜେଡି ନେତାଙ୍କୁ ସାକ୍ଷାତ କରୁଥିଲେ। ଶେଷରେ ରିଜେକ୍ଟ ହେବାରୁ ଏବେ ବିଜେଡି ବିରୋଧରେ କହି ବୁଲୁଛନ୍ତି। ସେ ବିଜେପିର ବଡ଼ନେତାଙ୍କୁ ଦିଲ୍ଲୀରେ ମଧ୍ୟ ଦେଖା କରିଥିଲେ । ସେଠି ବି ରିଜେକ୍ଟ ହୋଇଥିଲେ । ଯଦି ସେ ଓଡିଶାକୁ ଏତେ ଭଲପାଉଥିଲେ ତେବେ ୧୮ ବର୍ଷ ଧରି ଆମେରିକାରେ କଣ କରୁଥିଲେ ବୋଲି ପ୍ରଶ୍ନ କରିଛନ୍ତି ମନ୍ମଥ । ଏଠି ମାଆ ବାପାଙ୍କୁ ଛାଡ଼ି ସେଠି କଣ କରୁଥିଲେ ? ବାପା ମାଆଙ୍କ ସମ୍ପତ୍ତିକୁ ବ୍ୟବହାର କରି ବିଦେଶ କଣ କରୁଥିଲେ ? କାହିଁକି ତାଙ୍କ ପିଲାମାନେ ଆମେରିକାର ପାସପୋର୍ଟରେ ଅଛନ୍ତି ? ଆମେ ତ ଆମ ମାଟିକୁ ଛାଡିନୁ । ଯେହେତୁ କିଛି ପାଇଲେନି ସେଥିପାଇଁ ବିଜେଡି ସୁପ୍ରିମୋଙ୍କ ବିରୋଧରେ କଟୁ ମନ୍ତବ୍ୟ ଦେଉଛନ୍ତି। ମୋ ଗୁରୁଙ୍କୁ ସେ ବ୍ୟକ୍ତି ଗାଳି କରୁଛନ୍ତି, ତାହା ମୁଁ ସହି ପାରିବିନି ବୋଲି ସିଧାସଳଖ କହିଛନ୍ତି ମନ୍ମଥ । ଯାହା ସେ କହୁଛନ୍ତି ତାକୁ ପ୍ରମାଣ କରି ଦେଖାନ୍ତୁ ବୋଲି ଆହ୍ବାନ ଦେଇଛନ୍ତି ମନ୍ମଥ ।
