ଶ୍ରାବଣ ମାସରେ ପରିବା ଦର ଆକାଶ ଛୁଆଁ । ଅଧିକାଂଶ ପରିବା ଦର କିଲୋ ପିଛା ୮୦ ଟଙ୍କା ପାର । ଲଗାଣ ବର୍ଷାରେ ଚାଷୀଙ୍କ ପରିବା ଚାଷ ଧୋଇଗଲା ପରେ ଚିନ୍ତାରେ ଚାଷୀ, ସେପଟେ ବଜାରରେ ପରବା ଦର ଖାଉଟିଙ୍କ ପକେଟକୁ ବାଧୁଛି । ଫଳରେ ଭାବିଚିନ୍ତି ପରିବା କିଣୁଛନ୍ତି ଖାଉଟି ପରିବାରେ ବ୍ୟାଗ ଭର୍ତ୍ତି ନହେଉଣି ପକେଟରୁ ପଇସା ସରିଯାଉଛି । ଲଗାଣ ବର୍ଷାରେ ପରିବା କିଆରିରେ ବର୍ଷା ପାଣି ଜମି ରହିଥିବାରୁ ପନିପରିବା ଫସଲ ଅମଳ ହ୍ରାସ ପାଇଛି। ବାହାର ପରିବା ଉପରେ ବ୍ୟବସାୟୀ ଓ ଖାଉଟି ନିର୍ଭର କରୁଥିବା ବେଳେ ଏଠାରେ ପରିବା ଦର ଆକାଶଛୁଆଁ ହୋଇଛି ।
ବାଇଗଣ – ୯୦,କୋବି – ୪୦ ଟଙ୍କା ,କାଙ୍କଡ଼ – ୪୦ ଟଙ୍କା,ଜହ୍ନି – ୬୦ ଟଙ୍କା ,ବନ୍ଧାକୋବି – ୩୦ , ଭେଣ୍ଡି – ୬୦ ଟଙ୍କା ,ଝୁଡ଼ଙ୍ଗ – ୮୦ ଟଙ୍କା,ପୋଟଳ – ୬୦ ଟଙ୍କା ,ଟମାଟୋ – ୪୦ ଟଙ୍କା ,ଛଚିନ୍ଦ୍ରା – ୫୦ ଟଙ୍କା ବିକ୍ରି ହେଉଛି । ଲଗାଣ ବର୍ଷା କାରଣରୁ ଅନେକ ପରିବା ଅମଳ ନ ହୋଇ ଜମିରେ ପଚି ଶଢ଼ୀ ଯାଉଛି । ଏମିତିକି ଅନେକ ପରିବା ଗଛ ବି ନଷ୍ଟ ହୋଇ ଯାଉଛି । ଯାହାକି ଏହି ଦର ବୃଦ୍ଧିର ମୁଖ୍ୟ କାରଣ ବୋଲି ଜଣାପଡିଛି । ଶ୍ରାବଣ ମାସରେ ପରିବାର ଚାହିଦା ଅଧିକ ରହିଥିବା ବେଳେ ସେହି ଅନୁସାରେ ପରିବା ବଜାରକୁ ଆସିପାରି ନାହିଁ । ଯେଉଁ କାରଣରୁ ପରିବା ଦର ଉଚ୍ଚା ରହୁଛି । ଏହି ସମସ୍ୟା ଆହୁରି ଏକ ମାସ ପର୍ଯ୍ୟନ୍ତ ଲାଗି ରହିପାରେ । ସ୍ଥାନୀୟ ପରିବା ଅମଳ ହେବା ପରେ ଦର କମିପାରେ । ସେହିପରି ପାଗ ଅନୁକୂଳ ରହିଲେ ପରିବା ଦର ସ୍ୱଭାବିକ ହେବ ।”
