ଓଜନ ବୃଦ୍ଧି ଅଧିକାଂଶ ଲୋକଙ୍କ ପାଇଁ ଚିନ୍ତାର ବିଷୟ, କାରଣ ଏହା କେବଳ ଆପଣଙ୍କ ଶରୀରର ଆକୃତି ଉପରେ ପ୍ରଭାବ ପକାଇବ ନାହିଁ, ବରଂ ମେଦବହୁଳତା ଅନେକ ରୋଗ ମଧ୍ୟ ଆଣିଥାଏ ।ତେବେ ଆପଣ ମଧ୍ୟ ନିଶ୍ଚୟ ଶୁଣିଥିବେ ଯେ ଦୁନିଆର ସବୁଠାରୁ ସହଜ କାର୍ଯ୍ୟ ହେଉଛି ଓଜନ ବଢାଇବା ଏବଂ ସବୁଠାରୁ କଷ୍ଟକର କାର୍ଯ୍ୟ ହେଉଛି ଓଜନ କମ କରିବା । ଓଜନ କମ କରିବା ସମୟରେ ଯଦି ଆପଣ ସଠିକ୍ ବ୍ୟାୟାମ ଏବଂ ଡାଏଟ୍ ପ୍ଲାନ ଫଲୋ କରନ୍ତି ନାହିଁ, ତେବେ ଆପଣ ମଧ୍ୟ ଆପଣଙ୍କର ଓଜନ ନିୟନ୍ତ୍ରଣ କରିବାରେ ବିଫଳ ହୋଇପାରନ୍ତି । ଏପରି ଭାବେ ଆଜିର ସମୟରେ ୱେଟ୍ ଲସ୍ କରିବା ଏକ ବଡ଼ ଚ୍ୟାଲେଞ୍ଜ ପାଲଟିଛି । ଏକ ହେଲ୍ଦି ଡାଏଟ୍ ପ୍ଲାନ୍ ଏବଂ ସଠିକ୍ ଫୁଡ୍ ଅପ୍ସନ ବାଛିବା ପାଇଁ ଲୋକମାନେ ସୁଗାର ଇନଟେକ୍ କମ୍ କରିଥାନ୍ତି । ତାହେଲେ ଆସନ୍ତୁ ଜାଣିବା କିଛି ସାଧାରଣ ଭୁଲ ଯାହା ଆପଣଙ୍କ ଓଜନ କମ କରିବା ବଦଳଲେ ବଢ଼ିଇଥାଏ ।
ପ୍ରଥମତଃ ଓଜନ କମ କରିବା ପାଇଁ ପ୍ରତିଦିନ ଲୋକମାନଙ୍କୁ ବ୍ୟାୟାମ କରିବା, ହେଲଦି ଖାଇବା ଏବଂ ପିଇବା ରୁଟିନ୍ ପ୍ରତି ଧ୍ୟାନ ଦେବା ଉଚିତ, କିନ୍ତୁ ଲୋକମାନେ ସେମାନଙ୍କର ନିତ୍ୟକର୍ମକୁ ସଠିକ୍ ଭାବରେ ଅନୁସରଣ କରନ୍ତି ନାହିଁ ଯେଉଁଥିପାଇଁ ସେମାନଙ୍କର ଓଜନ କମ ହେବା ଯାତ୍ରାରେ ବାରମ୍ବାର ବାଧା ଉପୁଜିଥାଏ । ଏହା ବ୍ୟତୀତ, ଯଦି ଆପଣ ଅତ୍ୟଧିକ ଷ୍ଟ୍ରେସ ନିଅନ୍ତି, ତେବେ ଆପଣଙ୍କୁ ଓଜନ କମ କରିବାରେ କଷ୍ଟକର ହୋଇପାରେ । ଯଦି ଷ୍ଟ୍ରେସ ଯୋଗୁ ଓଜନ କମ ହେଉନାହିଁ, ତାହେଲେ ଆପଣ ଷ୍ଟ୍ରେସ କମାଇବା ପାଇଁ ଧ୍ୟାନର ସାହାଯ୍ୟ ନେଇପାରିବେ ।
ଓଜନ କମ କରିବା ପାଇଁ ଆଉ ଏକ ମୁଖ୍ୟ କାର୍ଯ୍ୟ ହେଉଛି ସଠିକ ଭାବେ ଶୋଇବା, ଯଦି ଆପଣ ଆପଣ ମଧ୍ୟ ପ୍ରତିଦିନ ୭ ରୁ ୮ ଘଣ୍ଟା ଶୋଉ ନାହାନ୍ତି । ତାହେଲେ ଏହି ଭୁଲ କେବଳ ଆପଣଙ୍କ ମେଦବହୁଳତାର କାରଣ ହେବ ନାହିଁ ବରଂ ଆପଣଙ୍କ ସାମଗ୍ରିକ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇପାରେ । ଓଜନ କମ କରିବାକୁ, ଶରୀରକୁ ହାଇଡ୍ରେଟ୍ ରଖିବା ଅତ୍ୟନ୍ତ ଜରୁରୀ । ଯଦି ଆପଣ କମ୍ ପାଣି ପିଇବାର ଭୁଲ କରୁଛନ୍ତି, ତାହେଲେ ଏହା ଆପଣଙ୍କ ଓଜନ କମ କରିବାରେ କଷ୍ଟକର ହୋଇପାରେ । ସେଥିପାଇଁ ଆପଣ ଦିନକୁ ୮ ଗ୍ଲାସ୍ ପାଣି ପିଇବା ଜରୁରୀ ।
ଓଜନ କମ କରିବା ସମୟରେ, ଆପଣ କେବଳ ଆପଣଙ୍କର ୱାର୍କଆଉଟ୍ ରୁଟିନ୍ ଏବଂ ଡାଏଟ୍ ପ୍ଲାନକୁ ଫଲୋ କରିବା ଉଚିତ୍ । ଯଦି ଆପଣ ଜିମ୍ ଯାଇ ୱାର୍କଆଉଟ୍ କରିବାକୁ ସମୟ ବାହାର କରି ପାରୁନାହାନ୍ତି, ତେବେ କୌଣସି ଅସୁବିଧା ନାହିଁ । ଘରେ ଯୋଗ ସାହାଯ୍ୟରେ ଆପଣ ଆପଣଙ୍କର ବଢ଼ୁଥିବା ଓଜନକୁ ମଧ୍ୟ ନିୟନ୍ତ୍ରଣ କରିପାରିବେ । ତଥାପି, କୌଣସି ଯୋଗ ଆସନା କରିବା ପୂର୍ବରୁ, ଏକ ଭଲ ଯୋଗ ଗୁରୁଙ୍କଠାରୁ ପରାମର୍ଶ ନେବା ଅତ୍ୟନ୍ତ ଜରୁରୀ । ଏପରି ଭାବେ ଆପଣ ଅତି ସହଜରେ ଓଜନ କମ କରିପାରିବେ ।
