ଜୟପୁରର ଡେପୁଟି ରେଞ୍ଜରଙ୍କ ଘରେ ଟଙ୍କାର ପାହାଡ଼ । ପାଖାପାଖି ଦେଢ କୋଟି ଜବତ କରିଛି ଭିଜିଲାନ୍ସ । ଜୟପୁର ବନ ବିଭାଗ ଡେପୁଟି ରେଞ୍ଜର ରାମଚନ୍ଦ୍ର ନେପାକଙ୍କ ଘରୁ ଦେଢ କୋଟିରୁ ଅଧିକ ଟଙ୍କା ଜବତ ହୋଇଛି । ଏତେ ଟଙ୍କା ଯେ, ତାକୁ ଗଣିବା ସମ୍ଭବ ହେଉନାହିଁ । ଆୟ ବହିର୍ଭୂତ ସମ୍ପତି ଠୁଳ ଅଭିଯୋଗରେ ଭିଜିଲାନ୍ସ ରେଡ୍ କରିଛି । ପୈତୃକ ବାସଭବନ ସହ ଅନ୍ୟ ୪ଟି ସ୍ଥାନରେ ଭିଜିଲାନ୍ସର ଏକାକାଳିନ ଚଢାଉ ହେଉଛି । ରେଞ୍ଜରଙ୍କ ଜୟପୁର ପିଆରପେଟା ସ୍ଥିତ ବାସଭବନରେ ଚାଲିଛି ରେଡ୍ ।
ନଗଦ ୧.୪ କୋଟି ଟଙ୍କା ଘରୁ ଜବତ ହୋଇଛି । ଅଧକେଜିରୁ ଅଧିକ ସୁନା ୨ କେଜିରୁ ଅଧିକ ରୂପାଜବତ କରାଯାଇଛି । ଘର ଟ୍ରାଜେଡିରୁ ବାହାରୁଛି ବିଡା ବିଡା ୫୦୦ ଟଙ୍କିଆ ଏବଂ ୨୦୦ ଟଙ୍କିଆ ନୋଟ୍ । ଏହା ବ୍ୟତୀତ, ୪ ଟି ସୁନା ବିସ୍କୁଟ ଏବଂ ୧୦ ଗ୍ରାମ ଲେଖାଏଁ ୧୬ ଟି ସୁନା ମୁଦ୍ରା ମଧ୍ୟ ଜବତ କରାଯାଇଛି । ସୁନାର ଓଜନ ଚାଲିଛି। ୪ କୋଟିର କୋଠା ୨୦ ଲକ୍ଷର ଜମି ଠାବ କରିଛି ଭିଜିଲାନ୍ସ ।
