ଆଜି ହେଉଛି ଚକଲେଟ୍ ଦିବସ । ଚକଲେଟ୍ କୁ ପ୍ରେମ ଏବଂ ଖୁସିର ପ୍ରତୀକ ଭାବରେ ବିବେଚନା କରାଯାଏ, ତେଣୁ ଏହାକୁ ଭାଲେଣ୍ଟାଇନ୍ସ ସପ୍ତାହରେ ଏକ ସ୍ୱତନ୍ତ୍ର ସ୍ଥାନ ଦିଆଯାଇଛି । ଆସନ୍ତୁ ଜାଣିବା ଚକଲେଟ୍ ଦିବସ କେବେ ପାଳନ ଏବଂ କିପରି ଆରମ୍ଭ ହୋଇଥିଲା । ଆସନ୍ତୁ ଜାଣିନେବା…
ଏବେ ଚାଲିଛି ଭାଲେଣ୍ଟାଇନ୍ସ ସପ୍ତାହ । ଆଉ ଏଥିରେ ଚକଲେଟ୍ ଦିବସ ଯୋଡି ହୋଇଯାଇଛି । ଏହାକୁ ସାମିଲ କରିବାର କାରଣ ଓ ଗୁରୁତ୍ୱ କଣ ରହିଛି ଆପଣ ଜାଣିଛନ୍ତି କି…? ସମ୍ପର୍କରେ ମଧୁରତାକୁ ମଜବୁତ କରିବା ପାଇଁ ଭାଲେଣ୍ଟାଇନ୍ସ ସପ୍ତାହର ତୃତୀୟ ଦିନକୁ ଚକଲେଟ୍ ଦିବସ ଭାବରେ ପାଳନ କରାଯାଏ । ପ୍ରତିବର୍ଷ ଫେବୃଆରୀ ୯ ତାରିଖରେ ଏହି ଚକଲେଟ୍ ଦିବସ ପାଳନ କରାଯାଏ । ଏହି ଦିନଟିରେ ଲୋକମାନେ ସେମାନଙ୍କ ପ୍ରିୟଜନ, ବନ୍ଧୁ କିମ୍ବା ପ୍ରେମୀଙ୍କୁ ଚକଲେଟ୍ ଦେଇଥାନ୍ତି ।
ଏହାସହ ନିଜର ପ୍ରେମ ଏବଂ ସ୍ନେହ ପ୍ରକାଶ କରିବାରେ ସଫଳ ହୋଇଥାନ୍ତି । କେବଳ ଏହି ଦିନଟି ଉପହାର ଦେବା ପାଇଁ ନୁହେଁ; ଏହା ସମ୍ପର୍କରେ ମଧୁରତା ଯୋଡିବା ଏବଂ ପ୍ରେମ ପ୍ରକାଶ କରିବାର ଏକ ସୁଯୋଗ ଆଣିଦେଇଥାଏ । ଏହି ଦିନଟି ଆମକୁ ମନେ ପକାଇ ଦିଏ ଯେ ଛୋଟ ଛୋଟ ଜିନିଷ ମଧ୍ୟ କାହାକୁ ଖୁସି କରିପାରେ । ପ୍ରଥମେ ଚକଲେଟ୍ ର ସ୍ବାଦ ରାଗ ଥିଲା । ଆମେରିକାରେ କୋକର ମଞ୍ଜିକୁ ଗୁଣ୍ଡକରି ସେଥିରେ କିଛି ମସାଲା ଓ ଲଙ୍କା ଗୁଣ୍ଡ ମିଶାଇ ରାଗ ଚକଲେଟ୍ ତିଆରି କରାଯାଇଥିଲା ।
କୋକୋ ଗଛକୁ ପ୍ରଥମେ ଆମେରିକାରେ ୨୦୦୦ବର୍ଷ ପୁର୍ବେ ଖୋଜା ଯାଇଥିଲା । ସେହି ସମୟରେ ଗଛର ମଞ୍ଜିରେ ଚକଲେଟ୍ ତିଆରି କରାଯାଇଥିଲା । କୁହାଯାଏ ଚକଲେଟ୍ ର ଆରମ୍ଭ ମଧ୍ୟ ଆମେରିକା ଓ ମେକ୍ସିକୋ ରେ ରହୁଥିବା ଲୋକେ କରିଥିଲେ । ଏହାପରେ ସ୍ପେନ ସହିତ ପୁରା ବିଶ୍ବରେ ଏହା ପ୍ରସିଦ୍ଧ ହୋଇଥିଲା । ତେବେ ନିଜ ସମ୍ପର୍କକୁ ମଧୁର ଓ ପ୍ରେମରେ ଭରି ଦେବାପାଇଁ ଏହି ଦିବସ ହୋଇଛି ।
