ସଂଚାର ବ୍ୟୁରୋ: ତାଳଚେର ବହ୍ଲର ଛକରେ ଥିବା ମେଡିସିନ ଦୋକାନ ଓ ଏକ ବାସନ ଦୋକାନ ଭିତରକୁ ଭାରସାମ୍ୟ ହରାଇ ପଶିଗଲା ହାଇୱା ଟ୍ରକ । ଅଳ୍ପକେ ବର୍ତ୍ତିଲେ ଦୋକାନୀ ଓ ଗ୍ରାହକ । ଟ୍ରକଟି ଦୋକାନ ଭିତରକୁ ପଶିଯିବା ଫଳରେ ଦୋକାନ ଘର ଦୁଇଟିର ସମ୍ମୁଖ ଭାଗ ଭାଙ୍ଗି ଚୁରମାର ହୋଇଯାଇଛି। ଟ୍ରକଟି କାମାକ୍ଷାନଗର ଆଡୁ ଆସୁଥିବା ବେଳେ ଭାରସାମ୍ୟ ହରାଇ ବଲହର ଛକ ଠାରେ ଥିବା ଚନ୍ଦ୍ର ମେଡ଼ିସିନ ଦୋକାନ ଓ ପାଖକୁ ଲାଗିକି ଥିବା ଏକ ବାସନ ଦୋକାନ ଭିତରକୁ ପଶି ଯାଇଥିଲା । ଫଳରେ ଦୋକାନୀ ଓ ଗ୍ରାହକ ଅଳ୍ପକେ ବର୍ତ୍ତି ଯାଇଥିଲେ। ତାଳଚେର ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଡ୍ରାଇଭରକୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ।
