ସଂଚାର ବ୍ୟୁରୋ: କମୁଛି ସୁବର୍ଣ୍ଣରେଖା ନଦୀର ଜଳସ୍ତର। ଗାଁରୁ ବି ବନ୍ୟାଜଳ କମିବାରେ ଲାଗିଛି । ହେଲେ ଏବେ ବି ଲୋକଙ୍କ ଦୁର୍ଦ୍ଦଶା କମିନି। ଲୋକଙ୍କ ଘରେ ପାଣି ପଶି ରହିଛି । ଫଳରେ ନାହିଁ ନ ଥିବା ହୀନସ୍ତା ହେଉଛନ୍ତି ବିପନ୍ନ । ଘର ବାହାରେ ପାଣି ହିଁ ପାଣି । ଭୋଗରାଇ ଓ ବାଲିଆପାଳ ଦୁଇ ବ୍ଲକରେ ବ୍ୟାପକ ମାତ୍ରାରେ ଚାଷ ନଷ୍ଟ ହୋଇଛି । ରାଜଘାଟଠାରେ ସୁବର୍ଣ୍ଣରେଖା ଜଳ ସତର୍କ ସଙ୍କେତ ତଳେ ପ୍ରବାହିତ ହେଉଛି। କିଛି ଲୋକ ଜଳବନ୍ଦୀରେ ଜୀବନ ବିତାଉଛନ୍ତି । ପାନୀୟ ଜଳ ସମସ୍ୟା ସାଙ୍ଗକୁ ଗାଈଗୋରୁଙ୍କ ଖାଦ୍ୟ ପାଇଁ ବଡ଼ ସମସ୍ୟା ସୃଷ୍ଟି ହୋଇଛି ।
