ସଂଚାର ବ୍ୟୁରୋ: ଭୁବନେଶ୍ବର ସୋଆ ଅଡିଟୋରିଅମରେ ଉଦଘାଟିତ ହୋଇଛି ଚତୁର୍ଥ ଓ୍ବାର୍ଲଡ଼ କନଫରେନ୍ସ ଅନ୍ କନପ୍ରେହେନ୍ସିଭ କ୍ରିଟିକାଲ କେୟାର ଆଣ୍ଡ ଦିତୀୟ ଓଡ଼ିଶା କ୍ରିଟିକନ୍ ୨୦୨୪ । ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦଘାଟନ କରିଛନ୍ତି । ଜାତୀୟ ଓ ଆନ୍ତର୍ଜାତୀୟ କ୍ରିଟିକାଲ କେୟାର ସିନିୟର ଡ଼ାକ୍ତରମାନେ ଏହି କନଫରେନ୍ସ ରେ ଯୋଗ ଦେଇଛନ୍ତି । କେବଳ ସହରୀ ହସପିଟାଲରେ ନୁହେଁ କ୍ରିଟିକାଲ କେୟାର ଭଳି ଗୁରୁତ୍ବପୂର୍ଣ ସ୍ବାସ୍ଥ୍ୟ ସେବା ଗ୍ରାମାଞ୍ଚଳକୁ ନେବାପାଇଁ ସବୁ ଡ଼ାକ୍ତରଙ୍କୁ ଆହ୍ବାନ କରିଛନ୍ତି । କ୍ରିଟିକାଲ କେୟାରର ଗୁରୁତ୍ବ ବଢିଯାଇଛି । ତେଣୁ ଖୁବଶୀଘ୍ର ସବ ଡ଼ିଭିଜନ ସ୍ତରରେ ଥିବା ହସପିଟାଲ ଗୁଡ଼ିକର ଭିତ୍ତିଭୂମିକୁ ସୁଦୃଢ କରିବା ସହ ମେଡ଼ିକାଲ ପାଠ ପଢୁଥିବା ଡ଼ାକ୍ତରୀ ଛାତ୍ରଛାତ୍ରୀ ଓ ନର୍ସ ମାନଙ୍କ ଶିକ୍ଷା ଖର୍ଚ୍ଚକୁ କମ୍ କରିବା ପାଇଁ କୁହାଯାଇଛି ।.
