ସେୟାର ମାର୍କେଟରେ ହାହାକାର । ଖସିଲା ସେନସେକ୍ସ , ଭୁଶୁଡିଲା ନିଫ୍ଟି । ଖୋଲିବା ମାତ୍ରେ କ୍ରାସ୍ ହେଲା ଭାରତୀୟ ପୁଞ୍ଜିବଜାର । ସେନସେକ୍ସ ୧ ହଜାର ପଏଣ୍ଟରୁ ଅଧିକ ଖସିଛି । ସେହିପରି ନିଫ୍ଟି ୩୧୦ ପଏଣ୍ଟରୁ ଅଧିକ ଖସିଛି । ଲାର୍ଜ କ୍ୟାପ୍ , ମିଡ କ୍ୟାପ ଏବଂ ସ୍ମଲ କ୍ୟାପ୍ ପ୍ରାୟ ସମସ୍ତ ସେକ୍ଟରରେ ସମାନ ଅବସ୍ଥା । ସମସ୍ତ ଷ୍ଟକ ଗୁଡିକ ଭୟଙ୍କର ଭାବେ ଖସିଛି । ବ୍ୟାଙ୍କିଂ, ଏଭିଏସନ , TCS, Infosys, Tech Mahindra, SunPharma, Tata Steel, ICICI Bank, Kotak Bank, ITC ଆଦି ଷ୍ଟକ ଗୁଡିକ ରେଡ୍ ଜୋନରେ କାରବାର କରୁଛି ।
ତେବେ ଷ୍ଟକ୍ ମାର୍କେଟ କ୍ରାସ ପଛରେ ଅନେକ କାରଣ ରହିଛି। ସବୁଠାରୁ ବଡ଼ କାରଣ ହେଉଛି ମୋଦିଙ୍କ ଘୋଷଣା । ସୁନା ପରିବର୍ତ୍ତେ ପେଟ୍ରୋଲ ଏବଂ ଡିଜେଲ ସଞ୍ଚୟ କରିବାକୁ ମୋଦି କହିବା ପରେ ଏହାର ପ୍ରଭାବ ଭାରତୀୟ ପୁଞ୍ଜିବଜାର ଉପରେ ଦେଖିବାକୁ ମିଳିଛି । ସେହିପରି ଅନ୍ୟ ଏକ କାରଣ ହେଉଛି ଇରାନର ଚିଠିକୁ ଟ୍ରମ୍ପ ପ୍ରତ୍ୟାଖ୍ୟାନ କରିବା । ଯାହା ପରେ ପଶ୍ଚିମ ଏସିଆ ଯୁଦ୍ଧ ବନ୍ଦ ସମ୍ଭାବନା ହ୍ରାସ ପାଇଛି ।
