ଭୁସୁଡ଼ିଲା ସେୟାର ବଜାର। ନିବେଶକଙ୍କ ମଧ୍ୟରେ ହାହାକାର।ବଢ଼ିଲା ଅଶୋଧିତ ତୈଳ ଦର, ଖସିଲା ସେନସେକ୍ସ । ଆମେରିକା-ଇରାନ ଆଲୋଚନା ବିଫଳ ହେବା ପରେ ସେନସେକ୍ସ ଡାଉନ୍ । ୧,୬୦୦ ପଏଣ୍ଟ ହ୍ରାସ ପାଇଲା ସେନସେକ୍ସ । ନିଫ୍ଟି ପ୍ରାୟ ୨% ତଳକୁ ଖସିଛି । ଆଜି କାରବାର ଆରମ୍ଭରୁ ଭାରତୀୟ ସେୟାର ବଜାରରେ ବଡ଼ ଧରଣର ହ୍ରାସ ଦେଖିବାକୁ ମିଳିଛି । ଆମେରିକା ଏବଂ ଇରାନ ମଧ୍ୟରେ ଚାଲିଥିବା ଶାନ୍ତି ଆଲୋଚନା ବିଫଳ ହେବା ପରେ ମଧ୍ୟପ୍ରାଚ୍ୟରେ ଭୂ-ରାଜନୈତିକ ଉତ୍ତେଜନା ପୁଣି ବୃଦ୍ଧି ପାଇଛି । ଯାହାର ପ୍ରଭାବ ବଜାର ଉପରେ ପଡ଼ିଛି। S&P BSE ସେନସେକ୍ସ ୭୬ ହଜାର ୧୮୭.୪୧କୁ ହ୍ରାସ ପାଇଛି । NSE ନିଫ୍ଟି : ୨୩,୬୪୨.୧୫କୁ ହ୍ରାସ ପାଇଛି ।
ବଜାର ଖୋଲିବାର ମାତ୍ର କିଛି ମିନିଟ୍ ମଧ୍ୟରେ ନିବେଶକଙ୍କ ପ୍ରାୟ ୮ ଲକ୍ଷ କୋଟି ଟଙ୍କା ବୁଡ଼ି ଯାଇଛି । ଏଣେ ଅଶୋଧିତ ତୈଳ ଦର ବୃଦ୍ଧି ହୋଇଛି । ଯୋଗାଣ ବାଧାପ୍ରାପ୍ତ ହେବା ଆଶଙ୍କାରେ ବ୍ରେଣ୍ଟ କ୍ରୁଡ୍ ଦର ୭% ବୃଦ୍ଧି ପାଇ ବ୍ୟାରେଲ ପିଛା ୧୦୨ ଡଲାର ଅତିକ୍ରମ କରିଛି । ସେହିରପି ଡଲାର ତୁଳନାରେ ଭାରତୀୟ ଟଙ୍କା ୪୯ ପଇସା ଦୁର୍ବଳ ହୋଇ ୯୩.୩୨ ରେ ପହଞ୍ଚିଛି । ସବୁଠାରୁ ଅଧିକ କ୍ଷତି ସହିଛନ୍ତି PSU ବ୍ୟାଙ୍କ, ରିଏଲିଟି ଏବଂ ଅଟୋ ମୋବାଇଲ୍ ସେକ୍ଟର ।
