ପ୍ରେମ ପାଇଁ ନିଜ ଦେଶ ଛାଡି ଭାରତ ଚାଲିଆସିଥିବା ସୀମା ହାଇଦର ପୁଣିଥରେ ମା’ ହୋଇଛନ୍ତି । ପାକିସ୍ତାନରୁ ଅବୈଧ ଭାବରେ ତାଙ୍କ ୪ ପିଲାଙ୍କ ସହିତ ଭାରତ ଆସିଥିବା ସୀମା ହାଇଦର ପୁଣିଥରେ ଏକ ଶିଶୁକନ୍ୟାକୁ ଜନ୍ମ ଦେଇଛନ୍ତି । ମଙ୍ଗଳବାର ଭୋର ୪ଟାରେ ସୀମା ଏବଂ ସଚିନଙ୍କ ଔରସରେ ଏକ ଶିଶୁକନ୍ୟା ଜନ୍ମ ହୋଇଥିବା ଜଣାଯାଇଛି । ସୀମାଙ୍କୁ ନିଜର ଭଉଣୀ ବୋଲି ମାନୁଥିବା ସୁପ୍ରିମକୋର୍ଟର ଓକିଲ ଏପି ସିଂହ ଏହି ସୂଚନା ଦେଇଛନ୍ତି । ସେ କହିଛନ୍ତି ଯେ, ସୀମା ଘରୋଇ ହସ୍ପିଟାଲରେ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ତାଙ୍କ ଘରକୁ ଦେବୀ ଲକ୍ଷ୍ମୀ ଆସିଛନ୍ତି ।
ସଚିନ୍ କହିଛନ୍ତି ଯେ, ଆମ ପାଇଁ ଏବଂ ସମଗ୍ର ପରିବାର ପାଇଁ ଏହା ଏକ ଖୁସିର ଅବସର । ମାଆ ଏବଂ ପିଲା ଉଭୟ ସୁସ୍ଥ ଅଛନ୍ତି । ନାମକରଣ ପ୍ରକ୍ରିୟାରେ ଆମେ ସୋସିଆଲ ମିଡିଆ ମାଧ୍ୟମରେ ଲୋକଙ୍କଠାରୁ ନାମ ପରାମର୍ଶ ନେବୁ।
ସୂଚନାଯୋଗ୍ୟ, ସୀମା ହାଇଦର ଏବଂ ଗୁଲାମ ହାଇଦର ୨୦୧୪ରେ ବିବାହ କରିଥିଲେ । ୨୦୧୯ରେ ଗୁଲାମ ହାହଇଦର ସୀମା ଏବଂ ୪ ପିଲାଙ୍କୁ ଧରି କରାଚୀ ଛାଡି ଦୁବାଇ ଚାଲିଯାଇଥିଲେ । ୨୦୧୯ରେ ପଜବୀ ଖେଳି ସୀମା ନୋଏଡା ନିବାସୀ ସଚିନ ମିଣାଙ୍କ ସହିତ ଅନଲାଇନ ସାକ୍ଷାତ କରିଥିଲେ ।
୨୦୨୩, ମାର୍ଚ୍ଚ ୧୦ ତାରିଖରେ ନେପାଳ ସୀମା ଏବଂ ସଚିନଙ୍କର ଦେଖାସାକ୍ଷାତ ହୋଇଥିଲା । ସେଠାରେ ଥିବା ଏକ ମନ୍ଦିରରେ ସୀମା ଧର୍ମ ପରିବର୍ତ୍ତନ କରି ବିବାହ କରିଥିଲେ । ଏହାପରେ ନେପାଳ ସୀମାରେ ପାକିସ୍ତାନ ଚାଲି ଯାଇଥିଲେ । ଏହାପରେ ସଚିନ ନୋଏଡା ଚାଲିଯାଇଥିଲେ ।
ଏହାପରେ ୧୩ ମଇରେ ସୀମା ପୁଣି ପାକିସ୍ତାନରୁ ଦୁବାଇ ଯାଇ ନେପାଳ ଆସିବା ପରେ ବସ୍ ଧରି ଭାରତ ଚାଲିଆସିଥିଲେ । ଜୁଲାଇ ୧ରେ ସଚିନ ଏବଂ ସୀମା ବୁଲନ୍ଦସହରରେ ଓକିଲ ସହିତ ମିଶି ଭାରତୀୟ ପରିଚୟ ପତ୍ର ତିଆରି କରିବାକୁ କହିଥିଲେ । ହେଲେ ଓକିଲ ଜଣକ ସୀମା ପାକିସ୍ତାନୀ ବୋଲି ପୋଲିସକୁ କହିଥିଲେ । ଏହାପରେ ପୋଲିସ ସୀମାଙ୍କୁ ଗିରଫ କରିଥିଲା । ହେଲେ ଏହାପରେ କୋର୍ଟରୁ ଜାମିନ ମିଳିଥିଲା । ସେହିବର୍ଷ ଜୁଲାଇ ୨୧ରେ ସୀମା ଏବଂ ସଚିନଙ୍କ ବିବାହ ଫଟୋ ଏବଂ ଭିଡିଓ ଭାଇରଲ ହୋଇଥିଲା ।
