ସଂଚାର ବ୍ୟୁରୋ: ହଷ୍ଟେଲରେ ଝୁଲି ପଡିଲେ ଛାତ୍ରୀ। ଭୁବନେଶ୍ଵର ଉତ୍କଳ ସଙ୍ଗୀତ ମହାବିଦ୍ୟାଳୟର ଜଣେ ଛାତ୍ରୀଙ୍କ ଆତ୍ମହତ୍ଯା ଅଭିଯୋଗ। ହଷ୍ଟେଲରେ ସେ ଆତ୍ମହତ୍ଯା କରିଥିବାର ଅଭିଯୋଗ ହୋଇଛି। ମୃତକ ହେଲେ ଉତ୍କଳିକା ସ୍ୱାଇଁ । ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଆରମ୍ଭ କରିଛି ତଦନ୍ତ । ପରିବାର ଲୋକଙ୍କୁ ଏସମ୍ପର୍କରେ ଜଣାଯାଇଛି । ତେବେ କାହିଁକି ସେ ଏଭଳି ଚରମ ନିଷ୍ପତ୍ତି ନେଲେ ସେ ନେଇ ସୂଚନା ମିଳିପାରିନାହିଁ । …ମୃତ ଛାତ୍ରୀଙ୍କ ଘର କେନ୍ଦ୍ରାପଡା ଜିଲ୍ଲାର ପଟ୍ଟାମୁଣ୍ଡାଇ । ମେଧାବୀ ଛାତ୍ରୀ ଥିଲେ ଉତ୍କଳିକା। କିଛିଦିନ ହେଲା ଡିପ୍ରେସନ ରେ ଥିବା ଭଳି ଜଣାପଡୁଥିଲେ ବୋଲି କୁହାଯାଇଛି। ସେପଟେ କ୍ୟାପିଟାଲ ଥାନା ପୋଲିସ ଘଟଣାସ୍ଥଳରେ ପହଁଚି ପାରିପାର୍ଶ୍ବିକ ପରିସ୍ଥିତି ଯାଞ୍ଚ କରିଛି । ମୃତଦେହ ବ୍ୟବଚ୍ଛେଦ ପାଇଁ ପଠାଇଛି ।
