ସଂଚାର ବ୍ୟୁରୋ: ବଲିଉଡର କିଙ୍ଗ ଖାନ ପୁଣି ଥରେ ନିଜ ଫ୍ୟାନ୍ସଙ୍କ ହୃଦୟ ଜିତିବାକୁ ପ୍ରସ୍ତୁତ ଅଛନ୍ତି । ଫ୍ୟାନ୍ସମାନେ ତାଙ୍କ ଫିଲ୍ମ କିଙ୍ଗକୁ ଉତ୍ସାହର ସହିତ ଅପେକ୍ଷା କରିଛନ୍ତି । ଏହି ଫିଲ୍ମରେ ଶାହରୁଖ ଖାନଙ୍କ ସହ ତାଙ୍କ ଝିଅ ସୁହାନା ଖାନ ମଧ୍ୟ ନଜର ଆସିବେ । ପ୍ରଥମ ଥର ପାଇଁ ବାପା ଓ ଝିଅ ଦୁଇଜଣ ବଡ଼ ପରଦାରେ ଏକାଠି ନଜର ଆସିବେ । ଏହି ଫିଲ୍ମରୁ ଶାହରୁଖ ଖାନଙ୍କ ଲୁକ୍ ସାମ୍ନାକୁ ଆସିଛି ଏବଂ ସେ ଜବରଦସ୍ତ ଆକ୍ସନ୍ କରୁଥିବା ଦେଖିବାକୁ ମିଳିଛି ।
ଏହି ଫିଲ୍ମରେ ଶାହରୁଖ ଖାନଙ୍କ ଝିଅ ସୁହାନା ଖାନ ମଧ୍ୟ ଆକ୍ସନ କରୁଥିବାର ନଜର ଆସିବେ । ଯେଉଁଥିପାଇଁ କିଙ୍ଗ ଖାନ ନିଜେ ତାଙ୍କ ଝିଅକୁ ତାଲିମ ଦେଉଛନ୍ତି । ଶାହରୁଖ ଖାନଙ୍କ ବିଶେଷ ବନ୍ଧୁ ଫରାହ ଖାନ ଝିଅ ସୁହାନାଙ୍କୁ ଆକ୍ସନ ଟ୍ରେନିଂ ଦେବା ବିଷୟରେ ସୂଚନା ଦେଇଛନ୍ତି । ନିକଟରେ ଫରାହ ଏକ ଇଭେଣ୍ଟ ପାଇଁ ଦୁବାଇ ଯାଇଥିଲେ । ଯେଉଁଠାରେ ସେ ଏକ ଇଣ୍ଟରଭ୍ୟୁରେ ପ୍ରକାଶ କରିଛନ୍ତି ଯେ ଶାହରୁଖ ତାଙ୍କ ଝିଅକୁ ତାଲିମ ଦେଉଛନ୍ତି ।
ଫରାହ ଖାନଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ପ୍ରଥମେ ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କୁ ପ୍ରଶଂସା କରିଛନ୍ତି । ସେ କହିଛନ୍ତି, ‘ଶାହାରୁଖଙ୍କ ପୁଅ ଆର୍ଯ୍ୟନ୍ ଏକ ଚମତ୍କାର ସିରିଜ୍ ତିଆରି କରିଛନ୍ତି । ସୁହାନା ମଧ୍ୟ ବହୁତ ପରିଶ୍ରମୀ । ତାଙ୍କୁ ଶାହରୁଖକୁ ଆଗାମୀ ଫିଲ୍ମ କିଙ୍ଗରେ ଦେଖିବାକୁ ମିଳିବ । ଶାହରୁଖ ଖାନଙ୍କୁ ମଞ୍ଚରେ ଦେଖି ଫରାହ କୁହନ୍ତି ଯେ ମୁଁ ଜାଣେ ଆପଣ ତାଙ୍କୁ ଆକ୍ସନରେ ତାଲିମ ଦେଉଛନ୍ତି ।
ଆପଣଙ୍କ ସୂଚନା ପାଇଁ କହି ରଖୁଛୁ, ଯେ ସୁହାନା ବଲିଉଡରେ ଡେବ୍ୟୁ କରିଛନ୍ତି । ସେ ଜୋୟା ଅଖତରଙ୍କ ଦି ଆର୍ଚିଜ୍ ସହିତ ବଲିଉଡରେ ଡେବ୍ୟୁ କରିଥିଲେ । ଏହି ଫିଲ୍ମରେ ଅଗସ୍ତ୍ୟ ନନ୍ଦ, ଖୁସି କପୁର, ବେଦାଙ୍ଗ ରାଇନା, ମିହିର ଆହୁଜାଙ୍କ ସମେତ ଅନେକ କଳାକାର ନଜର ଆସିଥିଲେ । ଏହି ଫିଲ୍ମଟି ଓଟିଟି ପ୍ଲାଟଫର୍ମରେ ରିଲିଜ ହୋଇଥିଲା । ବର୍ତ୍ତମାନ କିଙ୍ଗ ହେଉଛି ସୁହାନାଙ୍କ ଦ୍ୱିତୀୟ ପ୍ରୋଜେକ୍ଟ ।
‘କିଙ୍ଗ୍’ରେ ଶାହରୁଖ ଖାନ, ସୁହାନା ଖାନ, ଦୀପିକା ପାଦୁକୋନ ଏବଂ ଅଭିଷେକ ବଚ୍ଚନ ପ୍ରମୁଖ ଭୂମିକାରେ ନଜର ଆସିବେ । ଏହି ଫିଲ୍ମଟି ଆସନ୍ତା ବର୍ଷ ସିନେମାହଲରେ ମୁକ୍ତିଲାଭ କରିବ ।
