ନୂଆଦିଲ୍ଲୀ: ଭାରତୀୟ କ୍ରିକେଟ୍ ତାରକା ରିଙ୍କୁ ସିଂହ ଖୁବ ଶୀଘ୍ର ହାତକୁ ଦୁଇ ହାତ ହେବାକୁ ଯାଉଛନ୍ତି । ରିଙ୍କୁଙ୍କର ତାଙ୍କ ବାନ୍ଧବୀଙ୍କ ସହିତ ନିର୍ବନ୍ଧ ଶେଷ ହୋଇଛି । ସାମାଜବାଦୀ ପାର୍ଟୀ ଲୋକସଭା ସାଂସଦ ପ୍ରିୟା ସରୋଜଙ୍କ ସହିତ ତାଙ୍କର ନିର୍ବନ୍ଧ ହୋଇଥିବା ନେଇ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି ।
୧୬ ଜାନୁୟାରୀ ଗୁରୁବାର ଦିନ ରିଙ୍କୁ ଓ ସାଂସଦ ପ୍ରିୟା ସରୋଜଙ୍କ ନିର୍ବନ୍ଧ ସମ୍ପନ୍ନ ହୋଇଛି । ଅଲୀଗଡ଼ର ଅଜୌନ ସହରରେ ଘନିଷ୍ଠ ସମ୍ପର୍କୀୟଙ୍କ ଗହଣରେ ନିର୍ବନ୍ଧ ଅନୁଷ୍ଠିତ ହୋଇଥିବା ନେଇ ପ୍ରଶିକ୍ଷକ କହିଛନ୍ତି । ଜାତୀୟ ଗଣମାଧ୍ୟମକୁ ତାଙ୍କର ପ୍ରଶିକ୍ଷକ ମସୁଦ୍ଜ ଜଫର୍ ଅମୀନୀ ଏହି ସୂଚନା ଦେଇଥିବାବେଳେ ରିଙ୍କୁଙ୍କ ତରଫରୁ କୌଣସି ବିଧିବଦ୍ଧ ସୂଚନା ଦିଆଯାଇ ନାହିଁ ।
୨୭ ବର୍ଷିୟ ରିଙ୍କୁ ସିଂହ ଭାରତୀୟ ଟିମରୁ ୨ଟି ଦିନିକିଆ ଓ ୩୨ ଟି-୨୦ ଖେଳିଛନ୍ତି । ଦିନିକିଆରେ ମାତ୍ର ୫୫ ରନ୍ କରିଥିବାବେଳେ ଟି-୨୦ରେ ୫୦୭ ରନ୍ କରିଛନ୍ତି । ଏହା ସହିତ ଆଇପିଏଲରେ କୋଲକାତା ନାଇଟ୍ ଲାଇଡର୍ସ ପାଇଁ ଖେଳୁଛନ୍ତି ।
କିଏ ଏହି ପ୍ରିୟା ସରୋଜ ?
୨୬ ବର୍ଷିୟା ପ୍ରିୟା ସରୋଜ ଉତ୍ତର ପ୍ରଦେଶର ମଛଲିସହର ଲୋକସଭା ଆସନରୁ ସପା ସାଂସଦ ଅଛନ୍ତି । ୧୯୯୮ ନଭେମ୍ବର ୨୩ରେ ଜନ୍ମ ପ୍ରିୟା ବାରଣାସୀରେ ଜନ୍ମ ଗ୍ରହଣ କରିଥିଲେ । ସେ ନୂଆଦିଲ୍ଲୀ ସ୍ଥିତ ଏୟାର ଫୋର୍ସ ଗୋଲଡେନ୍ ଜୁବଲୀ ଇନଷ୍ଟିଚ୍ୟୁଟରୁ ଶିକ୍ଷାଲାଭ କରିବା ପରେ ଦିଲ୍ଲୀ ବିଶ୍ୱ ବିଦ୍ୟାଳୟରୁ ସ୍ନାତକ ହାସଲ କରିଛନ୍ତି । ଏହା ପରେ ଆମିଟି ବିଶ୍ୱ ବିଦ୍ୟାଳୟରୁ ଏଲଏଲବି କରିଛନ୍ତି । ତାଙ୍କ ବାପା ତୁଫାନୀ ସରୋଜ ମଧ୍ୟ ୩ ଥର ସାଂସଦ ରହି ସାରିଛନ୍ତି । ସେ ବର୍ତ୍ତମାନ କେରାକତ ନିର୍ବାଚନ ମଣ୍ଡଳୀରୁ ବିଧାୟକ ସେ ବର୍ତ୍ତମାନ କେରାକତ ନିର୍ବାଚନ ମଣ୍ଡଳୀରୁ ବିଧାୟକ ଅଛନ୍ତି ।
