ସଂଚାର ବ୍ୟୁରୋ: ରାୟଗଡାରେ ଆମ୍ବୁଲାନ୍ସକୁ ଧକ୍କା ଦେଲା ମାଲବାହୀ ଟ୍ରେନ୍। ଘୋଷାଡି ନେଲା ୧୦୦ରୁ ଅଧିକ ମିଟର। ଦୁର୍ଘଟଣାରେ ସୌଭାଗ୍ୟବଶତଃ ବର୍ତ୍ତିଗଲେ ଆମ୍ବୁଲାନ୍ସ ଚାଳକ ଓ ଆଶା ଦିଦିଙ୍କ ସହ ୮ ଜଣ ରୋଗୀ। ସୂଚନା ଅନୁସାରେ, ଆଜି କିଛି ରୋଗୀ ଆଖି ଅପରେସନ ପାଇଁ ଚିକିତ୍ସାଳୟକୁ ଅଣାଯାଉଥିଲା। ଏହି ସମୟରେ ଶିକରପାଇ ଓ ଭାଲୁମସ୍କା ଷ୍ଟେସନ ମଝିରେ ଥିବା ରେଳ ଲାଇନ ଦେଇ ଆମ୍ବୁଲାନ୍ସ ଆସୁଥିବା ବେଳେ ମାଲବାହୀ ଟ୍ରେନଟି ଧକ୍କା ଦେଇଥିଲା। ମାଲବାହୀ ଟ୍ରେନଟି ବ୍ରେକ ମାରିବାରୁ ଆମ୍ବୁଲାନ୍ସରେ ଥିବା ଲୋକଙ୍କ ପ୍ରାଣ ଅଳ୍ପକେ ବର୍ତ୍ତି ଯାଇଛି । ଏହି ସ୍ଥାନରେ ପ୍ରାୟ ୩ ଥର ଦୁର୍ଘଟଣା ଘଟିଲାଣି। ଏଠାରେ ଓଭରବ୍ରିଜ୍ କିମ୍ବା ଅଣ୍ଡରପାସ କରିବାକୁ ଦାବି ହେଉଥିଲେ ବି ସମସ୍ୟାର ହେଉନି ସମାଧାନ।
