ରାୟଗଡ଼ା ଜିଲ୍ଲା ଗୁଣୁପୁର ଥାନା ଅନ୍ତର୍ଗତ ପୁରୁଣା ବସ ଷ୍ଟାଣ୍ଡ ସ୍ଥିତ ଠିପିବନ୍ଦ ବିଦେଶୀ ମଦ ଦୋକାନରୁ ଗତ ରାତିରେ ଚୋରି ଅଭିଯୋଗ । ଘଟଣାସ୍ଥଳରେ ଗୁଣୁପୁର ପୋଲିସ ପହଞ୍ଚି ତଦନ୍ତ ଜାରି ରଖିଛି । ଦୋକାନର କବାଟ ଘେଡ଼ା ତାଡ଼ିଦେଇଛନ୍ତି ଦୁର୍ବୃତ୍ତ । ଭୋର ସମୟରେ କବାଟ ଘେଡ଼ା ତଡ଼ାଯାଇଥିବା ଦେଖି ବ୍ୟବସାୟୀଙ୍କୁ ଖବର ଦେଇଥିଲେ ପାଖ ଦୋକାନୀ । ଚୋରି ନେଇ ଗୁଣୁପୁର ପୋଲିସକୁ ସୂଚନା ଦେଇଥିଲେ ବ୍ୟବସାୟୀ ନଗେନ୍ଦ୍ର ସୁବୁଦ୍ଧି । ପୋଲିସ ପହଞ୍ଚି ଦୋକାନରେ ଯାଞ୍ଚ କରିଛି । ଦୋକାନ କ୍ୟାସ୍ ବକ୍ସରୁ ୨ ଲକ୍ଷ ଟଙ୍କା ଚୋରି ହୋଇଥିବା ଅଭିଯୋଗ କରିଛନ୍ତି ନଗେନ୍ଦ୍ର । ତିନିଜଣ ଦୁର୍ବୃତ୍ତ ଦୋକାନ ଭିତରେ ପଶିଥିବା ସିସିଟିଭିରେ କଏଦ୍ ହୋଇଛି । ଦୁର୍ବୃତ୍ତମାନେ ମୁହଁକୁ ଗାମୁଛାରେ ଘୋଡ଼ାଇ ରଖିଥିବା ଭିଡିଓରେ ଦେଖିବାକୁ ମିଳୁଛି । ଦୁର୍ବୃତ୍ତମାନେ ଚୋରି କରିବା ପରେ ଆଣିଥିବା ଏକ ଶାବଳକୁ ଛାଡ଼ିଚାଲିଯାଇଥିବା ଜଣାପଡ଼ିଛି। ଏନେଇ ନଗେନ୍ଦ୍ର ଗୁଣୁପୁର ଥାନାରେ ଲିଖିତ ଅଭିଯୋଗ କରିଛନ୍ତି ।
