ସଂଚାର ବ୍ୟୁରୋ: ଗୁରୁଦକ୍ଷିଣାରେ ସେନା ମୁଖ୍ୟଙ୍କୁ ପାକ ଅଧିକୃତ କାଶ୍ମୀର ମାଗିଲେ ଜଗଦଗୁରୁ ରାମଭଦ୍ରାଚାର୍ଯ୍ୟ । ଚିତ୍ରକୂଟ ତୁଳସୀ ପୀଠରେ ଆଜି ସ୍ଥଳ ସେନାଧ୍ୟକ୍ଷ ଜେନେରାଲ ଉପେନ୍ଦ୍ର ଦ୍ବିବେଦୀ ଓ ତାଙ୍କ ପତ୍ନୀ ଜଗଦଗୁରୁ ରାମଭଦ୍ରାଚାର୍ଯ୍ୟଙ୍କ ଠାରୁ ଦୀକ୍ଷା ନେବା ପରେ ପିଓକେ ଫେରାଇ ଆଣିବାକୁ ଗୁରୁଦକ୍ଷିଣା ମାଗିଛନ୍ତି । ଏହାସହ ଜଗଦଗୁରୁ ପରାମର୍ଶ ଦେଇ କହିଛନ୍ତି, ପାକିସ୍ତାନକୁ କୌଣସି ବାର୍ତ୍ତା ଦେବାର ଆବଶ୍ଯକତା ନାହିଁ । ସେ ନକ୍ସାରୁ ବିଲୋପ ହୋଇଯିବ । ଲଙ୍କା ବିଜୟ ପୂର୍ବରୁ ମାତା ସୀତା ହନୁମାନଙ୍କୁ ଯେଉଁ ଦୀକ୍ଷା ଦେଇଥିଲେ ଜେନେରାଲ ଦ୍ବିବେଦୀଙ୍କୁ ସେହି ଦୀକ୍ଷାରେ ଅଭିମନ୍ତ୍ରିତ କରିଛନ୍ତି ଜଗଦଗୁରୁ । ପାକ ଅଧିକୃତ କାଶ୍ମୀର ଆମର।ଏହା ଆମକୁ ମିଳିବା ଦରକାର ବୋଲି ଏକ ପ୍ରକାର ଦାବ କରିଥିଲେ ଜଗଦଗୁରୁ । ଆଉ ଏହି ଦକ୍ଷିଣା ମୋତେ ମିଳିବ ବୋଲି ଦୃଢୋକ୍ତି ଦେଖାଇଥିଲେ ଜଗଦଗୁରୁ । ଏହି ଅବସରରେ ସେନାଧ୍ଯକ୍ଷଙ୍କୁ ‘ବିଜୟୀ ସେନାଧ୍ୟକ୍ଷ’ ବୋଲି ଅଭିହିତ କରି ଆଶୀର୍ବାଦ କରିଥିଲେ । ଆଉ ପାକିସ୍ତାନକୁ ଟାର୍ଗେଟ କରି କହିଥିଲେ ଯେ, କୁକୁରର ଲାଙ୍ଗୁଡ କେବେ ସିଧା ହୋଇନି। ଯଦି ଆଉ ପାକିସ୍ତାନ ଆତଙ୍କୀ ହମଲା କରେ ତେବେ ସେ ଦେଶ ମାନଚିତ୍ରରୁ ଉଭେଇ ଯିବ।..
