ସଂଚାର ବ୍ୟୁରୋ: ଜାମ୍ମୁ କାଶ୍ମୀର ଗସ୍ତରେ ଯାଇଛନ୍ତି ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧି। ସେ ପୁଞ୍ଚ ଅଞ୍ଚଳକୁ ଯାଇଛନ୍ତି। ପାକିସ୍ତାନର ଅସ୍ତ୍ରବିରତି ଉଲ୍ଲଂଘନ ଓ ଫାୟାରିଂରେ ଏହି ଅଞ୍ଚଳରେ ବ୍ୟାପକ କ୍ଷତିଗ୍ରସ୍ତ ହୋଇଛି। ଗୁଳିି ଗୋଳା ମାଡ଼ରେ କେତେକ ବ୍ୟକ୍ତିଙ୍କ ଘର ବି ଭାଙ୍ଗିରୁଜି ଯାଇଛି। ସେପରି କ୍ଷତିଗ୍ରସ୍ତ ଲୋକଙ୍କୁ ଭେଟିଛନ୍ତି ରାହୁଲ ଗାନ୍ଧି। ସେମାନଙ୍କୁ ଆଶ୍ଵାସନା ଦେଇଛନ୍ତି, ବ୍ୟସ୍ତ ହେବାର କିଛି ନାହିଁ। ଅଳ୍ପ ଦିନ ଭିତରେ ସବୁ ସ୍ଵାଭାବିକ ହୋଇଯିବ। ଏହି ଅଞ୍ଚଳର ସ୍କୁଲ ବି କ୍ଷତିଗ୍ରସ୍ତ ହୋଇଛି। ସେପରି ସ୍କୁଲର ଛାତ୍ରଛାତ୍ରୀଙ୍କୁ ମଧ୍ୟ ଭେଟିଛନ୍ତି ରାହୁଲ ଗାନ୍ଧି।
