ସଂଚାର ବ୍ୟୁରୋ: ରାଜଧାନୀର ୭ଟି ପୂଜା ମଣ୍ଡପକୁ ରାବଣ ପୋଡି ପାଇଁ ମିଳିଲା ଅନୁମତି । ଭୁବନେଶ୍ୱରର ଝାରପଡା, ବରମୁଣ୍ଡା, ନହରକଣ୍ଟା, କୋରଡ଼କଣ୍ଟା, ବାଙ୍କୁଆଳ, କିଟ୍ ରୋଡ଼, ଇନଫୋ ଭ୍ୟାଲି ଥାନା ଗୋପାଳପୁରରେ ହେବ ରାବଣପୋଡ଼ି । ପ୍ରଶାସନର ସମସ୍ତ ନିୟମ ମାନି ରାବଣ ପୋଡି କରିବାକୁ ପୂଜା କମିଟି ମାନଙ୍କୁ ନିର୍ଦ୍ଦେଶ ଦିଆଯାଇଛି ।
ରାବଣ ପୋଡ଼ି ହେବା ସମୟରେ ୧୦୦ ମିଟର ଦୂରରୁ ରହି ଦେଖିବାକୁ ଭକ୍ତଙ୍କୁ ଅନୁମତି ଦିଆଯାଇଛି । ଅନୁମତି ମିଳିଥିବା ସମସ୍ତ ରାବଣ ପୋଡି ସ୍ଥାନରେ ଗୋଟିଏ ଲେଖାଏ ଅଗ୍ନିଶମ ଗାଡ଼ି ସହ ଟିମ୍ ନିୟୋଜିତ ରହିବେ । ଏହା ସହ ଅଗ୍ନିନିର୍ବାପକ ଯନ୍ତ୍ର ରଖିବାକୁ ପ୍ରଶାସନ ପକ୍ଷରୁ କୁହାଯାଇଛି । ସ୍କୁଲ, କଲେଜ, ମନ୍ଦିର ଏବଂ ବାସସ୍ଥାନ ଠାରୁ ୨୫୦ ମିଟର ଦୂରରେ ରାବଣ ପୋଡି କରିବାକୁ ନିର୍ଦ୍ଦେଶ ଦିଆଯାଇଛି ।
