ସଂଚାର ବ୍ୟୁରୋ: ଖରାଦିନକୁ ଦୃଷ୍ଟିରେ ରଖି ଶ୍ରୀମନ୍ଦିର ପ୍ରଶାସନ ପକ୍ଷରୁ କରାଯାଇଛି ବ୍ୟାପକ ବ୍ୟବସ୍ଥା l ଶ୍ରୀମନ୍ଦିର ଭିତରେ RO ପ୍ଲାଣ୍ଟ ସ୍ଥାପନ କରାଯାଇ ୫୦ଟି ସ୍ଥାନରେ ଲଗାଯିବ ପାନୀୟ ଜଳ ଷ୍ଟାଣ୍ଡ ପୋଷ୍ଟ l ଭକ୍ତଙ୍କୁ ପର୍ଯ୍ୟାପ୍ତ ପାନୀୟ ଜଳ ଯୋଗାଣ ନେଇ ବିଭାଗୀୟ ଅଧିକାରୀଙ୍କ ସହ ଶ୍ରୀମନ୍ଦିର ଉପମୁଖ୍ୟ ପ୍ରଶାସକଙ୍କ ଆଲୋଚନା କରାଯାଇଛି l ଆଜି ଶ୍ରୀମନ୍ଦିର କାର୍ଯ୍ୟାଳୟ ପରିସରରେ ଅନୁଷ୍ଠିତ ବୈଠକରେ ସୂଚନା ଦେଇଛନ୍ତି ଶ୍ରୀମନ୍ଦିର ଉପମୁଖ୍ୟପ୍ରଶାସକ l ରତ୍ନଭଣ୍ଡାର ମରାମତି ପାଇଁ ଦିନକୁ ୫ ରୁ ୬ ଘଣ୍ଟା ସମୟ ପ୍ରଦାନ ନିମନ୍ତେ ସଅଳ ଦ୍ୱାର ପିଠା ନୀତି ନେଇ ସେବାୟତ ମାନଙ୍କ ସହ ଆଲୋଚନା କରାଯାଇଛି l ନିର୍ଦ୍ଧାରିତ ସମୟ ସୀମା ଭିତରେ ମହାପ୍ରଭୁଙ୍କ ଭିତର ରତ୍ନଭଣ୍ଡାର ମରାମତି ସମ୍ପର୍ଣ୍ଣ କରାଯିବ । ଏ ନେଇ ସମସ୍ତଙ୍କ ସହଯୋଗ ଲୋଡ଼ାଯାଇଛି l ଏହି ବୈଠକରେ ଶ୍ରୀମନ୍ଦିର ଉନ୍ନୟନ ପ୍ରଶାସକ, ଏଏସଆଇ ଅଧିକାରୀ, ସୁରକ୍ଷା ପ୍ରଶାସକ, ପୂଜାପଣ୍ଡା ନିଯୋଗ, ସୁଆର ମହାସୁଆର ନିଯୋଗ, ପଢିଆରୀ ନିଯୋଗ ସହ ଶ୍ରୀମନ୍ଦିର ପ୍ରଶାସନିକ ଅଧିକାରୀ ମାନେ ଉପସ୍ଥିତ ଥିଲେ l
