ସଂଚାର ବ୍ୟୁରୋ: ସରକାରୀ ଯୋଜନା ହେରଫେର ମାମଲାରେ ବନ୍ଧାହେଲେ ପିଇଓ । ବଲାଙ୍ଗୀର ଜିଲ୍ଲା ଭରସୁଜା ଓ ଆଗଲପୁର ପଞ୍ଚାୟତ ନିର୍ବାହୀ ଅଧିକାରୀ ରାଜ କିଶୋର ପୋଢ଼ ଗିରଫ । ବିଭିନ୍ନ ସରକାରୀ ଯୋଜନାର ୫ କୋଟି ୯୦ ଲକ୍ଷ ଟଙ୍କା ହେରଫେର ନେଇ ଅଭିଯୋଗ କରିଥିଲେ ଆଗଲପୁର ବିଡିଓ ମହାପାତ୍ର କୁଲଦୀପ ମହାନ୍ତି । ଗତ ୩ ବର୍ଷ ହେଲା ରାଜକିଶୋର ଭାବେ କାର୍ଯ୍ୟରତ ଥିଲେ I ଗତ ଜାନୁୟାରୀ ମାସରେ ଅନିୟମିତତା ଧରାପଡିବା ପରେ ପିଇଓକୁ ନିଲମ୍ବିତ କରାଯାଇଥିଲା I ନିଳମ୍ବନ ସମୟରେ ପିଇଓଙ୍କୁ ବ୍ଲକ କାର୍ଯ୍ୟାଳୟ ଆସି ମାର୍ଚ୍ଚ ମାସ ସୁଦ୍ଧା ସମସ୍ତ କାଗଜପତ୍ର ଦାଖଲ କରିବାକୁ ନିର୍ଦ୍ଦେଶ ଦିଆଯାଇଥିଲା । କିନ୍ତୁ ପିଇଓ କୌଣସି କାଗଜପତ୍ର ଦାଖଲ କରିପାରିନଥିଲେ I ପୋଲିସ ତଦନ୍ତ ସମୟରେ ପିଇଓ ହେରଫେର ପଛରେ ସରପଞ୍ଚ ଓ ବ୍ଲକ କାର୍ଯ୍ୟାଳୟର କିଛି କର୍ମଚାରିଙ୍କ ନାଁ ନେଇଛନ୍ତି I ସେନେଇ ପୋଲିସ ତଦନ୍ତ ଆରମ୍ଭ କରିଛି I
