କେନ୍ଦ୍ର ସରକାର ୟୁନିଫାଏଡ୍ ପେନସନ ସ୍କିମ୍ (ୟୁପିଏସ୍) ଘୋଷଣା କରିବାର ଗୋଟିଏ ଦିନ ପରେ ମହାରାଷ୍ଟ୍ର ସରକାର ରାଜ୍ୟ କର୍ମଚାରୀଙ୍କ ପାଇଁ ମଧ୍ୟ ଏହି ଯୋଜନାକୁ ଅନୁମୋଦନ କରିଛନ୍ତି। ମହାରାଷ୍ଟ୍ର ଏହି ରାଜ୍ୟରେ ଏହି କେନ୍ଦ୍ରୀୟ ଯୋଜନା କାର୍ଯ୍ୟକାରୀ କରିବାରେ ପ୍ରଥମ ରାଜ୍ୟ ହୋଇଛି। ମହାରାଷ୍ଟ୍ର କ୍ୟାବିନେଟ ରବିବାର ଏହି ଯୋଜନାକୁ ଅନୁମୋଦନ କରିଛି।
ଏଭଳି ପରିସ୍ଥିତିରେ ରାଜ୍ୟରେ ନୂତନ ପେନସନ ସ୍କିମ୍ (ଏନପିଏସ୍) ପରିବର୍ତ୍ତେ ୟୁପିଏସ୍ ଲାଗୁ ପାଇଁ ରାସ୍ତା ସଫା ହୋଇଛି।
UPS କ’ଣ?
ବାସ୍ତବରେ କେନ୍ଦ୍ର ସରକାର ସରକାରୀ କର୍ମଚାରୀଙ୍କ ପାଇଁ ଏକ ନୂତନ ଯୋଜନା, ୟୁନିଫାଏଡ୍ ପେନସନ୍ ସ୍କିମ୍ (ୟୁପିଏସ୍) ଘୋଷଣା କରିଛନ୍ତି। ଏହି ପେନସନ ଯୋଜନା ସରକାରୀ କର୍ମଚାରୀଙ୍କ ପାଇଁ ଏପ୍ରିଲ୍ ୧, ୨୦୨୫ରୁ କାର୍ଯ୍ୟକାରୀ ହେବ। ଏହି ଯୋଜନା ଅନ୍ତର୍ଗତ କର୍ମଚାରୀମାନଙ୍କୁ ସରକାର ନିଶ୍ଚିତ ପେନସନ୍ ପ୍ରଦାନ କରିବେ। ଏହି ଯୋଜନା କର୍ମଚାରୀଙ୍କ ମୃତ୍ୟୁ ପରେ ପରିବାରକୁ ପେନସନ ମଧ୍ୟ ଦେବ। ଏହା ବ୍ୟତୀତ ସର୍ବନିମ୍ନ ନିଶ୍ଚିତ ପେନସନ ମଧ୍ୟ ଏହା ଅଧୀନରେ ଦିଆଯିବ।
କର୍ମଚାରୀ ଏବଂ ପରିବାର କେତେ ପେନସନ୍ ପାଇବେ?
୨୩ ଲକ୍ଷ ସରକାରୀ କର୍ମଚାରୀ ୟୁପିଏସର ସୁବିଧା ପାଇବେ, ଯେଉଁଥିରେ ଶେଷ ୧୨ ମାସର ବେସିକ୍ ପେ’ ର ହାରାହାରି ବେତନର ୫୦ ପ୍ରତିଶତ ଅବସର ପରେ ଦିଆଯିବ। କର୍ମଚାରୀମାନଙ୍କୁ ଅତି କମରେ ୨୫ ବର୍ଷ ସର୍ଭିସ କରିବାକୁ ପଡିବ। ପାରିବାରିକ ପେନସନ ବିଷୟରେ କହିବାକୁ ଗଲେ, କର୍ମଚାରୀଙ୍କ ମୃତ୍ୟୁ ପରେ କର୍ମଚାରୀଙ୍କ ପେନ୍ସନ୍ର ୬୦ ପ୍ରତିଶତ ପରିବାରର ଯେକୌଣସି ଯୋଗ୍ୟ ସଦସ୍ୟଙ୍କୁ ଦିଆଯିବ। ଯଦି ଜଣେ କର୍ମଚାରୀ କେବଳ ୧୦ ବର୍ଷ କିମ୍ବା ତା’ଠାରୁ ଅଧିକ ସମୟ କିମ୍ବା ୨୫ ବର୍ଷରୁ କମ୍ ସର୍ଭିସ କରିଛନ୍ତି, ତେବେ ତାଙ୍କୁ ସର୍ବନିମ୍ନ ୧୦ ହଜାର ଟଙ୍କା ପେନସନ ଦିଆଯିବ
