ପହଲଗାମ ଆତଙ୍କୀ ଆକ୍ରମଣ ପରେ ଭାରତର କାର୍ଯ୍ୟାନୁଷ୍ଠାନ ଦେଖି ପାକିସ୍ତାନ ସେନା ଭୟରେ । ପାକିସ୍ତାନୀ ଆର୍ମି ମୁଖ୍ୟ ଜେନେରାଲ ଆସିମ ମୁନୀର ଭାରତ ଭୟରେ ନିଜ ପରିବାରକୁ ବିମାନ ଯୋଗେ ବିଦେଶ ପଠାଇଦେଇଥିବା ସୂଚନା ମିଳିଛି । ଖବର ମୁତାବକ, ପାକିସ୍ତାନ ସେନାର ଅନେକ ଅଫିସର ନିଜ ପରିବାର ପ୍ରାଇଭେଟ ଏୟାରକ୍ରାଫ୍ଟରେ ବ୍ରିଟେନ ଏବଂ ନ୍ୟୁ ଜର୍ସି ପଠାଇଥିବା ସୂଚନା ମିଳିଛି ।
କାରଣ ପହଲଗାମ୍ ଆତଙ୍କୀ ଆକ୍ରମଣ ପଛରେ ଏହି ପାକିସ୍ତାନ ସେନା ମୁଖ୍ୟ ଆସୀମ ମୁନିରର ହାତ ଥିବା ଚର୍ଚ୍ଚା ହେଉଛି । ଆଉ ଭାରତ ଆକ୍ରମଣ କରିବାକୁ ନଜରରେ ରଖି ପାକିସ୍ତାନୀ ସେନା ନିଜ ପରିବାରକୁ ସୁରକ୍ଷିତ ଭାବେ ପଠାଇଛନ୍ତି ।
ପହଲଗାମ ଆକ୍ରମଣ ପରେ ଭାରତ ସରକାରଙ୍କ ବୟାନକୁ ନେଇ ପାକିସ୍ତାନ ସେନା ଓ ଆଇଏସଆଇ ଭୟଭୀତ ହୋଇପଡ଼ିଛି । ଭାରତ ଯେକୌଣସି ସମୟରେ ବି କଡ଼ା ପଦକ୍ଷେପ ନେଇପାରେ । ଭାରତ ସର୍ଜିକାଲ୍ ଷ୍ଟ୍ରାଇକ୍ କରିପାରେ । ଆଉ ତା ପୂର୍ବରୁ ସେନା ମୁଖ୍ୟ ଛାନିଆ ହୋଇଛନ୍ତି।
ଭାରତ ଭୟରେ ନିଜର ସପରିବାର ଲୋକଙ୍କୁ ବିମାନ ଯୋଗେଁ ବିଦେଶକୁ ପଠାଇ ଦେଇଥିବା ସୂଚନା ମିଳିଛି । ପହଲଗାମରେ ଆକ୍ରମଣ କରିଥିବା ଆତଙ୍କବାଦୀ ଓ ଷଡ଼ଯନ୍ତ୍ରକାରୀଙ୍କୁ, ସେମାନଙ୍କ କଳ୍ପନାଠାରୁ ଅଧିକ ଦଣ୍ଡ ଦିଆଯିବ ବୋଲି ମୋଦି କହିଛନ୍ତି ।
ସୂଚନାଯୋଗ୍ୟ, ପହଲଗାମ ଆତଙ୍କବାଦୀ ଆକ୍ରମଣ ପରେ ପାକିସ୍ତାନ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରି, କେନ୍ଦ୍ର ସରକାର ପଡ଼ୋଶୀ ଦେଶ ସହିତ ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିଲେ । ଅଟାରୀ ସୀମାରୁ ଗତି ବନ୍ଦ କରିଦିଆଯାଇଛି । ପାକିସ୍ତାନୀ ନାଗରିକଙ୍କ ଭିସା ବାତିଲ କରାଯାଇଛି ଏବଂ ସେମାନଙ୍କୁ ୪୮ ଘଣ୍ଟା ମଧ୍ୟରେ ଦେଶ ଛାଡିବାକୁ କୁହାଯାଇଛି ।
