ସଂଚାର ବ୍ୟୁରୋ: ପୁଣି କନ୍ଦାଇଲାଣି ପିଆଜ ଦର । ଅଧିକାଂଶ ସ୍ଥାନରେ ପିଆଜ କିଲୋ ପ୍ରତି ୬୦ରୁ ୬୫ଟଙ୍କାରେ ବିକ୍ରି ହେଉଛି । କିଛି ଦିନ ପରେ ପୁଣି ହଠାତ ପିଆଜ ଦର ବଢିଥିବାରୁ ଖାଉଟିଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ପନିପରିବା ଦର ଆକାଶ ଛୁଆଁ ଥିବା ବେଳେ ହଠାତ ଆଳୁ ପିଆଜ ଦର ଖାଉଟିଙ୍କୁ ହନ୍ତସନ୍ତ କରିଛି ।
ସେପଟେ ପିଆଜ ଦର ବୃଦ୍ଧି ନେଇ ପ୍ରତିକ୍ରିୟା ରଖିଛନ୍ତି ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ଦେଶର ବହୁ ସ୍ଥାନରେ ପ୍ରବଳ ବର୍ଷା ଫଳରେ ପିଆଜ ଫସଲ ନଷ୍ଟ ହୋଇଛି । ଫଳରେ ବଜାରକୁ କମ୍ ପିଆଜ ଆସୁଛି । ସାରା ଦେଶରେ ଏଭଳି ସ୍ଥିତି ସୃଷ୍ଟି ହୋଇଛି । ତେବେ ଏହି ଅବସ୍ଥା କମ ଦିନ ରହିବ ବୋଲି ସେ କହିଛନ୍ତି । ସଙ୍କଟର ସମାଧାନ ପାଇଁ ସରକାର ଏବେ ଆଳୁ ମିଶନ, ପିଆଜ ମିଶନ ଭଳି ପଦକ୍ଷେପ ନେଉଛନ୍ତି ବୋଲି ସେ କହିଛନ୍ତି ।
