ଋଷିକୂଲ୍ୟା ମୁହାଣରେ ଅଲିଭ ରିଡଲେ କଇଁଛମାନଙ୍କ ସାମୂହିକ ଅଣ୍ଡା ଦାନ ପ୍ରକ୍ରିୟା ଆରମ୍ଭ ହୋଇଛି। ପ୍ରାୟ ୬ ଲକ୍ଷ କଇଁଛ ଆସି ପହଞ୍ଚିଛନ୍ତି । ସୁରକ୍ଷିତ ଅଣ୍ଡାଦାନ ପାଇଁ ଜଙ୍ଗଲ ବିଭାଗ ପକ୍ଷରୁ ବ୍ୟାପକ ପଦକ୍ଷେପ ନିଆଯାଇଛି । ମୁହାଣ ପାଖରେ ଥିବା ୫ଟି ଗାଁ ଲୋକଙ୍କୁ ସଚେତନ କରାଯାଇଅଛି । ସେମାନେ ପ୍ରଶାସନକୁ ସମ୍ପୂର୍ଣ୍ଣ ସହଯୋଗ କରୁଛନ୍ତି । କଇଁଛଙ୍କ ସୁରକ୍ଷା ପାଇଁ ୫ କିଲୋମିଟର ବ୍ୟାପୀ ସମୁଦ୍ରକୂଳରେ ତାରବାଡ଼ ଦିଆଯାଇଛି। ସମୁଦ୍ର କୂଳକୁ ଯିବା ପାଇଁ ଲୋକଙ୍କୁ ବାରଣ କରାଯାଇଛି । ମାଛଧରା ଗତ ନଭେମ୍ବର ମାସରୁ ବାରଣ ରହିଛି । ଆଗାମୀ ୩ ମାସ ଅଲିଭ ରିଡଲେ କଇଁଛମାନଙ୍କ ସୁରକ୍ଷିତ ଅଣ୍ଡା ଦାନ ପାଇଁ ସବୁ ପ୍ରକାର ବ୍ୟବସ୍ଥା କରାଯାଇଛି ବୋଲି କହିଛନ୍ତି ବନ୍ଯଜନ୍ତୁ ପିସିସିଏଫ ପ୍ରେମ କୁମାର ଝା ।
