ଭୁବନେଶ୍ବର: ରାଜ୍ୟର ବିଭିନ୍ନ ସ୍ଥାନରେ ଘନ କୁହୁଡ଼ି । ଆଜି ସକାଳୁ ଭୁବନେଶ୍ଵର ସମେତ ଅନେକ ସ୍ଥାନରେ କୁହୁଡି଼ ଦେଖାଦେଇଛି । ଏତେ କୁହୁଡ଼ି ଯେ, ୧୦- ୨୦ ମିଟର ପରେ କିଛି ଦିଶୁ ନଥିଲା । ସକାଳୁ ସକାଳୁ କୁହୁଡ଼ିର ମାତ୍ରା ବହୁତ ଅଧିକ ଥିଲା । ଚାରିଆଡ଼େ ଧୂଆଁମୟ । ମୁହଁକୁ ମୁହଁ ଦେଖିବା ମୁସ୍କିଲ। କେତେକ ଅଞ୍ଚଳରେ ଗତ ରାତିରୁ ହିଁ କୁହୁଡ଼ି ମାଡି଼ ଆସିଥିଲା । ଏଥିପାଇଁ ବାଧାପ୍ରାପ୍ତ ହୋଇଥିଲା ବିମାନ ଚଳାଚଳ । ଭୁବନେଶ୍ଵର ବିମାନ ବନ୍ଦରରୁ କୌଣସି ଫ୍ଲାଇଟ୍ ଉଡ଼ାଣ ହୋଇପାରିନଥିଲା କି ଅବତରଣ କରିପାରିଥିଲା ।
ପରେ ଅବଶ୍ୟ ଅବସ୍ଥା ସୁଧୁରିଛି ଓ ବିମାନ ଚଳାଚଳ ସ୍ଵାଭାବିକ ହୋଇଛି । ଭୁବନେଶ୍ଵର, ପାରାଦୀପ, ଚାନ୍ଦପାଲି, ପୁରୀରେ ଆଜି ସକାଳେ ଭିଜିବିଲିଟି ଶୂନ ଥିଲା। ପଶ୍ଚିମାଝଡ଼ ପାଇଁ ପ୍ରବଳ ଜଳୀୟବାଷ୍ପ ପୂର୍ଣ୍ଣ ବାୟୁ ପ୍ରବେଶ କରୁଛି। ଏହାର ପ୍ରଭାବରେ ଦେଖା ଦେଇଛି ଘନ କୁହୁଡ଼ି। ଏଥିପାଇଁ ୬ ଜିଲ୍ଲାକୁ ୟେଲୋ ଆଲର୍ଟ ଦିଆଯାଇଛି।
