ଦୁର୍ନୀତି ଅଭିଯୋଗରେ ପିଇଓ ଓ ତାଙ୍କ ଭାଇ ଗିରଫ। ଉଭୟଙ୍କୁ ବାନ୍ଧିଲା ଭିଜିଲାନସ। ଏହି ଘଟଣା ହେଉଛି ନୂଆପଡ଼ା ଜିଲ୍ଲା ସିନାପାଲି ବ୍ଲକ ଗୁଛାଗୁଡ଼ା ପଞ୍ଚାୟତର ଘଟଣା। ଏକଜିକ୍ୟୁଟିଭ୍ ଅଫିସର ସତ୍ୟବ୍ରତ ବରାଳ ଓ ତାଙ୍କ ଭାଇ ଉତ୍ତମ ବରାଳଙ୍କୁ ଭିଜିଲାନସ ଗିରଫ କରିଛି। ଦୁଇ ଭାଇ ୭ ଲକ୍ଷ ଟଙ୍କାରୁ ଅଧିକ ଆତ୍ମସାତ୍ କରିଥିବାର ଅଭିଯୋଗ ହୋଇଛି। ସିଏଫସି ଏବଂ ଏସଏଫସି ପାଣ୍ଠି ହଡ଼ପ କରିବାକୁ ସେମାନେ ଷଡ଼ଯନ୍ତ୍ର କରିଥିଲେ। କୁରେଶ୍ଵର ଗ୍ରାମପଞ୍ଚାୟତରେ ହାଇ ମାଷ୍ଟ ଲାଇଟ୍ ଲଗାଇବା, ଷ୍ଟ୍ରିଟ୍ ଲାଇଟ ସଜାଡ଼ିବା ଓ ପାର୍କକୁ ଜିମ୍ ଉପକରଣ ଯୋଗାଇବା ନାଁରେ ସେମାନେ ସରକାରୀ ଅର୍ଥ ହଡ଼ପ କରିଥିବାର ଅଭିଯୋଗ ହୋଇଛି। ଦୁଇ ଭାଇଙ୍କ ଆକାଉଣ୍ଟକୁ ୪ ଲକ୍ଷ ୨୦ ହଜାର ଟଙ୍କା ଯାଇଛି। ସେପଟେ କୁରେଶ୍ଵର ପଞ୍ଚାୟତର ପିଇଓ ବରୁଣ ଦାସହ୍କ ଆକାଉଣ୍ଟକୁ ୩ ଲକ୍ଷରୁ ଅଧିକ ଟଙ୍କା ଯାଇଥିବା ଜଣାପଡ଼ିଛି।
