ଏଣିକି ଜନ୍ତରମନ୍ତରରେ ଧାରଣା, ବିକ୍ଷୋଭ ମନା। ଗୃହ ମନ୍ତ୍ରଣାଳୟ ଦ୍ବାରା ଗଠିତ କମିଟିର ସୁପାରିଶ ପରେ ପଦକ୍ଷେପ। ଧାରଣା ପାଇଁ ଚିହ୍ନଟ ହୋଇଛି ତିନୋଟି ସ୍ଥାନ। ରାମଲୀଳା ମୈଦାନ, ବୁରାଡ଼ି ମୈଦାନ ଏବଂ CBD ଗ୍ରାଉଣ୍ଡରେ ହୋଇପାରିବ ଧାରଣା ପ୍ରଦର୍ଶନ। ଏହି ତିନୋଟି ସ୍ଥାନକୁ ଚିହ୍ନଟ କରାଯାଇଛି। ଦିଲ୍ଲୀ ପୋଲିସ କମିଶନର ଅନୁରାଗ କୁମାରଙ୍କ ପକ୍ଷରୁ ଜାରି ଆଦେଶ ଅନୁଯାୟୀ, କେନ୍ଦ୍ର ଗୃହ ମନ୍ତ୍ରଣାଳୟ ପ୍ରତିବାଦ ଓ ଧାରଣା ପାଇଁ ବିକଳ୍ପ ସ୍ଥାନ ଚିହ୍ନଟ କରିବା ଲାଗି ଏକ କମିଟି ଗଠନ କରିଥିଲା।
ନାଗରିକମାନେ ନିଜର ମତ ପ୍ରକାଶ କରିବା ଓ ଶାନ୍ତିପୂର୍ଣ୍ଣ ବିରୋଧ ପ୍ରଦର୍ଶନ କରିବା ପାଇଁ ଅନ୍ୟ ସ୍ଥାନର ବ୍ୟବସ୍ଥା କରିବା ଏହି କମିଟିର ଦାୟିତ୍ୱ ଥିଲା। କମିଟିର ସୁପାରିସ ଆଧାରରେ ଜନ୍ତରମନ୍ତରକୁ ନିର୍ଦ୍ଧାରିତ ପ୍ରଦର୍ଶନ ସ୍ଥଳର ତାଲିକାରୁ ହଟାଇ ତିନୋଟି ବିକଳ୍ପ ସ୍ଥାନକୁ ସାମିଲ କରାଯାଇଛି । ପ୍ରଦର୍ଶନ ପାଇଁ ଅନୁମତି, ନିୟମ ଓ ଅନ୍ୟାନ୍ୟ ବ୍ୟବସ୍ଥା ସମ୍ପର୍କିତ ବିସ୍ତୃତ ତଥ୍ୟ ପରବର୍ତ୍ତୀ SOP ରେ ସ୍ପଷ୍ଟ ହେବ।
