ସଂଚାର ବ୍ୟୁରୋ: ଅତିରିକ୍ତ ବଜେଟ୍ ଓଡ଼ିଶାବାସୀଙ୍କ ଅନେକ ଆଶାକୁ ଧୂଳିସାତ କରୁଛି ବୋଲି କହିଛନ୍ତି ନବୀନ। ବିଜେପି ସରକାରର ପ୍ରଥମ ପୂର୍ଣ ବର୍ଷରୁ ଆଶା କରାଯାଉଥିବା କୌଣସି ବଡ଼ ଭିତ୍ତିଭୂମି ଯୋଜନା କିମ୍ବା ନୂତନ ଦୂରଦୃଷ୍ଟି ଏଥିରେ ଦେଖୁବାକୁ ମିଳିନାହିଁ। ଏହା ରାଜକୋଷୀୟ ନିଅଣ୍ଟକୁ ବଢ଼ାଇବା ସହ ପ୍ରଶାସନିକ ବ୍ୟୟ ସଙ୍କୁଚିତ ହେଉଛି। ସେହିପରି ଓଡ଼ିଶାର ସୁଧ ବୋଝ ବଢ଼ୁଛି। ବଜେଟରେ ପୂର୍ତ୍ତ ବିଭାଗ ଓ କିଛି ସହରାଞ୍ଚଳ ଭିତ୍ତିଭୂମିକୁ ଛାଡ଼ିଦେଲେ ଆଉ କିଛି ନାହିଁ ବୋଲି ଟ୍ବିଟ୍ କରି କହିଛନ୍ତି ନବୀନ। ସେହିପରି ହ୍ରାସ ପାଉଥିବା କେନ୍ଦ୍ରୀୟ ଅନୁଦାନ ଓ ନିଜସ୍ବ ଅପାରଗତା ଲୁଚାଇବା ପାଇଁ ଏହି ଅତିରିକ୍ତ ବଜେଟ୍ ହୋଇଛି। ରାଜ୍ୟବାସୀଙ୍କ ସ୍ବାର୍ଥ ପାଇଁ ନୁହେଁ, ବରଂ ରାଜ୍ୟବାସୀଙ୍କୁ ଭ୍ରମିତ କରିବାକୁ ପ୍ରୟାସ କରାଯାଇଛି ବୋଲି କହିଛନ୍ତି ନବୀନ। ଅନ୍ୟପଟେ ବିରୋଧୀ ଦଳ ନେତାଙ୍କୁ ସମର୍ଥନ କରି ବିଜେଡି କହିଛି, ଏଥର କେନ୍ଦ୍ରରୁ ମାତ୍ର ୧୮ ପ୍ରତିଶତ ଅନୁଦାନ ଆସିଛି । ମାର୍ଚ୍ଚ ସୁଦ୍ଧା ବଜେଟ ଅର୍ଥ ଖର୍ଚ୍ଚ ହୋଇ ପାରିବ ନାହିଁ । କାରଣ ବିଭିନ୍ନ ଯୋଜନା କାର୍ଯ୍ୟକାରୀ ହୋଇପାରିନି । କାମରେ ଅନିୟମିତତା ରହୁଥିବାରୁ ପ୍ରକଳ୍ପ କାମ ଆଗେଇ ପାରୁନି । ଯେଉଁଥିପାଇଁ ଯାହା ସରକାର କହୁଛନ୍ତି, ତାହା ହୋଇ ପାରୁନି । ସରକାର ସୁନେଲି ଚିତ୍ର ଆଙ୍କି ପାରନ୍ତି ହେଲେ ବାସ୍ତବ କଥା ଭିନ୍ନ ବୋଲି କହିଛନ୍ତି ବିରୋଧୀ ଦଳ ଉପ ମୁଖ୍ୟ ସଚେତକ ପ୍ରତାପ ଦେବ । ସେହିପରି ବିଜେଡି ବିଧାୟକ ସାରଦା ଜେନା କହିଛନ୍ତି, କେବଳ ରଙ୍ଗ ବୋଳି ଦେଢ଼ ବର୍ଷରେ ଟଙ୍କା ସାରିଛନ୍ତି ସରକାର । କେନ୍ଦ୍ରରେ ବିଜେପି ଓଡ଼ିଶାରେ ବିଜେପି ସରକାର । ହେଲେ ଅନୁଦାନ ମିଳୁନି । ଏ ସରକାର ପୁଣି ଓଡ଼ିଶାକୁ ଦେବାଳିଆ କରି ଦେଲେଣି ବୋଲି କହିଛନ୍ତି ସାରଦା । .. ..
