ସୁନ୍ଦର ଆଖି, ଶ୍ୟାମଳ ରଙ୍ଗ ଓ ହସ ପାଇଁ ଭାଇରାଲ ହୋଇଥିଲେ । ପ୍ରୟାଗରାଜ କୁମ୍ଭମେଳାର ସେନ୍ସେସନ୍ ପାଲିଟି ଯାଇଥିଲେ । ଏବେ ବଲିଉଡ ଯାତ୍ରା ଆରମ୍ଭ କରିବାକୁ ଯାଉଛନ୍ତି । ପ୍ରୟାଗରାଜ କୁମ୍ଭମେଳାରେ ଭାଇରାଲ ହୋଇଥିବା ମୋନାଲିସା ଭୋସଲେଙ୍କୁ ବଲିଉଡ ଫିଲ୍ମ ଅଫର ମିଳିଛି ।
ମହାକୁମ୍ଭ ମେଳାରେ ଫୁଟପାଥରେ ରୁଦ୍ରାକ୍ଷ ସହ ଫୁଲ ମାଳା ବିକ୍ରି କରୁଥିବା ‘ଭାଇରାଲ ଗାର୍ଲ’ ମୋନାଲିସାଙ୍କୁ ଫିଲ୍ମ ଅଫର ମିଳିଛି । ଫିଲ୍ମ ନିର୍ମାତା ସନୋଜ ମିଶ୍ରା ତାଙ୍କର ଆଗାମୀ ଫିଲ୍ମ ‘ଦ ଡାଏରୀ ଅଫ୍ ମଣିପୁର’ରେ ମୋନାଲିସାଙ୍କୁ ମୁଖ୍ୟ ଅଭିନେତ୍ରୀ ଭାବେ କାମ କରିବାକୁ ଅଫର ଦେଇଛନ୍ତି । ମୋନାଲିସା ଫିଲ୍ମରେ କାମ କରିବାକୁ ସହମତି ପ୍ରକାଶ କରିଥିବା ଜଣାପଡିଛି । ଫିଲ୍ମରେ ମୋନାଲିସା ଜଣେ ଅବସରପ୍ରାପ୍ତ ସେନା ଅଧିକାରୀଙ୍କ ଝିଅ ଭୂମିକାରେ ନଜର ଆସିବେ । ପୂର୍ବୋତ୍ତର ବିଭିନ୍ନ ସ୍ଥାନରେ ଏପ୍ରିଲରୁ ଜୁନ୍ ଯାଏ ଫିଲ୍ମର ସୁଟିଂ ହେବ । ଆସନ୍ତା ଅକ୍ଟୋବର କିମ୍ବା ନଭେମ୍ବର ମାସରେ ଫିଲ୍ମ ରିଲିଜ ହେବ ।
ସୁଟିଂ ପୂର୍ବରୁ ମୋନାଲିସାଙ୍କୁ ମୁମ୍ବାଇରେ ଅଭିନୟ ତାଲିମ ଦିଆଯିବ । ମହାକୁମ୍ଭରେ ମୋନାଲିସାଙ୍କର ଶ୍ୟାମଳ ରଙ୍ଗ ଓ ଧୂସର ଆଖି ଆକର୍ଷଣର କେନ୍ଦ୍ର ପାଲଟିଥିଲା । ତେଣୁ ତାଙ୍କ ସହ ଫଟୋ ଉଠାଇବାକୁ ଲୋକେ ଭିଡ ଜମାଉଥିଲେ । ମୋନାଲିସାଙ୍କ ଘର ମଧ୍ୟପ୍ରେଦଶ ଇନ୍ଦୋରରେ ।
ମହାକୁମ୍ଭରେ ସାଧୁ-ସନ୍ଥ ଓ ଶ୍ରଦ୍ଧାଳୁଙ୍କ ଫଟୋ ଓ ଭିଡିକୁ ନେଇ ଚର୍ଚ୍ଚା ହେଉଛି । ଏହି କ୍ରମରେ ମହାକୁମ୍ଭ ମେଳାକୁ ଆସିଥିବା ଜଣେ ଝିଅକୁ ନେଇ ସବୁଠି ଚର୍ଚ୍ଚା ହୋଇଥିଲା । ଭାଇରାଲ ଗାର୍ଲ ମୋନାଲିସା ଭୋସଲେଙ୍କ ଶ୍ୟାମଳ ରଙ୍ଗ ଓ ଧୂସର ଆଖି ସମସ୍ତଙ୍କୁ ଆକର୍ଷିତ କରିଥିଲା । ତାଙ୍କୁ ଦେଖିବାକୁ ସେଲ୍ଫି ନେବାକୁ ଲୋକେ ଭିଡ଼ ଜମାଇଥିଲେ । ସେ କୁମ୍ଭମେଳାରେ ମାଳା ବିକ୍ରି କରୁଥିଲେ । ତାଙ୍କ ସୌନ୍ଦର୍ଯ୍ୟରେ ମୁଗ୍ଧ ହୋଇ ଦୁଇଗୁଣ ମୂଲ୍ୟ ଦେଇ ଲୋକେ ତାଙ୍କଠୁ ମାଳା କିଣୁଥିଲେ । ୧୬ ବର୍ଷୀୟା ମୋନାଲିସାଙ୍କ ସୁନ୍ଦରତା ଲୋକଙ୍କୁ ମୋହିତ କରିଥିଲା ।
