ସଂଚାର ବ୍ୟୁରୋ: ମଙ୍ଗଳବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୭୪ତମ ଜନ୍ମଦିନ ଥିଲା । ଏହି ଅବସରରେ ଓଡ଼ିଶା ଗସ୍ତରେ ଆସି ଲୋକାଭିମୁଖୀ ଯୋଜନା ’ସୁଭଦ୍ରା’ର ଶୁଭାରମ୍ଭ କରିଛନ୍ତି । ଓଡ଼ିଶାରେ ମହିଳାଙ୍କ ମଧ୍ୟରେ ଉତ୍ସାହର ମାହୋଲ ଦେଖିବାକୁ ମିଳିଥିଲା । ବିଜେପି ନିର୍ବାଚନୀ ପ୍ରତିଶୃତି ରଖି ସୁଭଦ୍ରାର ଶୁଭାରମ୍ଭ କରିଛି । ଜନ୍ମଦିନରେ ଓଡ଼ିଶା ଆସି ଓଡ଼ିଶାବାସୀଙ୍କୁ ବଡ଼ ଉପହାର ଦେଇଛନ୍ତି ପ୍ରଧାନମନ୍ତ୍ରୀ । ତେବେ ଏଭଳି ଏକ ଖୁସିର ମୁହୂର୍ତ୍ତରେ ଓଡ଼ିଶାର ମୁଖ୍ୟମନ୍ତ୍ରୀ ମୋହନ ମାଝୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଏକ ୧୦ ଟଙ୍କିଆ ନୋଟ ଉପହାର ସ୍ବରୂପ ଦେଇଛନ୍ତି । ତେବେ ଏହି ୧୦ ଟଙ୍କାରେ ଏକ ଖାସ୍ ଜିନିଷ ରହିଛି । କେବଳ ଏହା ଏକ ୧୦ ଟଙ୍କା ବୋଲି କହି ହେବ ନାହିଁ ଏହା ଏକ ସ୍ମୃତି ହେବ ବୋଲି କହିପାରିବେ । କାରଣ ଏହି ୧୦ ଟଙ୍କିଆ ନୋଟରେ ରହିଥିବା ନମ୍ବର ପ୍ରଧାନମନ୍ତ୍ରୀଙ୍କ ଜନ୍ମ ତାରିଖ ରହିଛି । ନମ୍ବର ଐବହ ଜନ୍ମ ତାରିଖ ସମାନ ରହିଥିବା ଉପହାରକୁ ବେଶ ଖୁସିର ସହ ଗ୍ରହଣ କରିଛନ୍ତି ପ୍ରଧାନମନ୍ତ୍ରୀ । ତେବେ ମୁଖ୍ୟମନ୍ତ୍ରୀ ଦେଇଥିବା ଉପହାରର ଫଟୋ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
